Զարիֆն ընդգծեց կարևոր կետերը
«Հայ-իրանական քաղաքական և տնտեսական հարաբերությունները բարձր մակարդակի վրա են:Լավ հնարավորություններ են ընձեռված զարգացնելու երկու երկրների տնտեսական հարաբերությունները: Այսօր` Երևան կատարած այցի ընթացքում, ինձ ուղեկցում են տնտեսական ոլորտի ներկայացուցիչներ ու գործարարներ», - ՀՀ արտգործնախարար Էդվարդ Նալբանդյանի հետ հանդիպումից հետո լրագրողներին ասաց Իրանի արտաքին գործերի նախարար Մոհամմադ Ջավադ Զարիֆը: «Էներգետիկ ու տարանցման ոլորտը մեր համագործակցության կարևորագույն կետերն են»,ասաց նա: Շնորհակալություն հայտնելով ջերմ ընդունելության համար՝ Իրանի ԱԳ նախարարը երախտագիտություն հայտնեց նաեւ Հայաստանի ժողովրդին եւ իշխանություններին Իրանում ուժեղ երկրաշարժին արձագանքելու համար։ «Իրանն ու Հայաստանը լավ հարեւաններ են։ Իրանը լավ հարաբերություններ ունի հարեւանների հետ»,– ասել է նախարարը եւ նշել, որ Իրանի եւ Հայաստանի միջեւ ակտիվ կապերը վերջին տարիներին զարգանում են քաղաքական եւ տնտեսական ոլորտներում։ Զարիֆը նաեւ շնորհակալություն հայտնեց հայկական կողմին միջազգային հարթակներում աջակցության համար։ «Հայաստանն աշխատում է տարածաշրջանում խաղաղության եւ կայունության պահպանման համար»,– ընդգծեցնախարարը՝ բոլոր ոլորտներում հաջող համագործակցության հույս հայտնելով։
Հետևեք մեզ Viber-ում
