«Զինվորները քնած չեն եղել,մարմինները տարբեր տեղերից են դուրս բերվել, մեկը պառկած էր, մյուսը՝ լուսամուտի մոտ»

Ազատի զինվորական կացարանում հրդեհից հետո դեպքի վայրից դիակների դուրսբերման ժամանակ պաշտոնյաներն արդեն դեպքի վայրում էին։ Այս մասին դատական նիստում հայտարարեց նշված զորամասի հրամանատար, գնդապետ, վկա Արգամ Գևորգյանը, որն, ի դեպ, միակ պետերից է, որը դեպքից հետո շարունակում է պաշտոնավարել։

Նշենք, որ Գեղարքունիքի մարզի ընդհանուր իրավասության դատարանում՝ դատավոր Վարդան Հարությունյանի նախագահությամբ, Ազատի զինվորական կացարանում 15 զինծառայողի կյանք խլած հրդեհի գործով այսօր կայացած նիստում հարցաքննվել է Արգամ Գևորգյանը։

Նա պատմեց, որ հրդեհի մասին իմացել է գիշերը՝ Վազգեն Նիկողոսյանից։ Դեպքի վայրում եղել է, երբ արդեն շենքի պատի հատվածը քանդված է եղել, փորձել է մուտք գործել՝ չի ստացվել, խեղդվում էր, արդեն պատկերացնում էր, որ ահավոր է․ «Ամբողջությամբ այրվում էր, տանիքը թափվում էր»։

Տեսել է Եղիշե Հակոբյանին, որն այրված էր, գոռում էր, լացում, ասում՝ «վառվան տղերքը», չէր կարողանում ոչինչ ասել, նրան շտապօգնությամբ տեղափոխել են։ Ինչ վերաբերում է ողջ մնացած մյուս զինծառայողներին, վկան նշեց, որ երկու այրված զինծառայողներին անմիջապես հոսպիտալ են տեղափոխել, մյուսներին՝ ռազմական ոստիկանություն։

Հրդեհաշիջման աշխատանքներն արդեն իրականացվում էին, ինքը հրահանգ չի տվել։ Հրդեհը մեկուսացնում էին մաս-մաս, ապա՝ որոնողական աշխատանքներ իրականացնում, դիերի դուրսբերմանը ինքը չի մասնակցել։ Հարցին՝ արդյոք տեղյակ է, թե ինչպես են մարմինները տեղակայված եղել՝ վկան պատասխանեց․ «Տեղեկություններ կան, որ ոչ ոք քնած չի եղել, մեկ հոգի է մահճակալի վրա եղել, տարբեր տեղերում են եղել, մեկը լուսամուտի մոտ է եղել, դոշակների մոտ փաթաթված է․․․ խառը, նման տեղեկություններ են եղել․․․ ասել են՝ մեկին այստեղից հանեցին, մյուսին՝ այնտեղից․․․»։ Պատասխանելով հարցերին՝ վկան հայտնեց, որ դեպքի վայր մեկնելուց 20 րոպե անց Սուրեն Պապիկյանն իրեն զանգել է, ինքը զեկուցել է, որ հրդեհ է․ «Զեկուցել եմ, որ հասել եմ, պաժառ է, նախնական տվյալներով՝ երեխեքը ներսում են, ասեցի՝ սպային եմ տեսել, մնացածին տեղյակ չէի, որ ներսում չեն»։ Նրա խոսքով՝ 10 րոպեն մեկ ինքը կապի մեջ էր, մինչև՝ երեք ժամում բոլորը տեղ են հասել՝ իրավապահ մարմինների, ՊՆ ղեկավարությունը, տեղակալները, մարզպետը, հրդեհի մարման աշխատանքները դեռ շարունակվում էր։ Ըստ վկայի՝ այն հրդեհը, որն ինքը տեսել է, չի պատկերացնում, որ այդ հրդեհի պայմաններում մարդ փրկված լիներ։ Դեռ դիակները չհանած, ըստ վկայի, բոլոր պաշտոնյաներն արդեն դեպքի վայրում են եղել։ Դիակների դուրսբերման աշխատանքին ինքը ականատես եղել է, ԱԻՆ-նն է իրականացրել, իսկ ՌՈ ծառայողների աշխատանքը չի հիշում, ԱԱԾ աշխատակիցներ եղել են, բայց չգիտի, թե ինչ էին անում։ Դիակների դուրսբերման աշխատանքը չի տեսանկարահանվել իր կողմից, այլ անձանց կողմից արվել է, թե՝ ոչ՝ տեղյակ չէ։ Նա նաև հայտնեց, որ զենքերն արդեն հեռացված է եղել։ Դեպքի օրը եկել է նաև Սասուն Միքայելյանը, հետաքրքրվել՝ ինչ է եղել։ Գևորգյանը, թեև ներկա չի եղել Եղիշե Հակոբյանի հարցաքննությանը, սակայն ՌՈ աշխատակիցները հայտնել են, որ Հակոբյանը հայտնել է՝ բենզինն անփույթ ձևով լցրել է վառարանը, դրանից էլ բռնկվել է հրդեհը։

Հիշեցնենք, որ ողբերգական դեպքը տեղի է ունեցել հունվարի 19-ին՝ ժամը 01.30-ի սահմաններում, որի հետևանքով զոհվել է 15 զինծառայող, երեքը՝ տեղափոխվել Այրվածքաբանության ազգային կենտրոն, նրանցից երկուսը, այդ թվում, կապիտանը՝ տևական ժամանակ վերակենդանացման բաժանմունքում են գտնվել։ Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 4-րդ մասով, այն է՝ շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է երկու և ավելի անձի մահ։ Քրեական վարույթի շրջանակներում որոշումներ են կայացվել տուժող ճանաչելու մասին։

Դեպքի առթիվ նախաձեռնվել է նաև մեկ այլ առանձին վարույթ՝ ՀՀ քրեական օրենսգրքի 550-րդ հոդվածի 3-րդ մասով՝ զինվորական պաշտոնեական անփութության հատկանիշներով, որն անզգուշությամբ առաջացրել է մարդու մահ։ Նշված քրեական վարույթը միացվել է մայր գործին, համատեղ քննություն է իրականացվում։ Քրեական գործով այս պահին արդեն կա 4 մեղադրյալ, որից երկուսը կալանքի տակ են։ 4-րդ մեղադրյալը կապիտանն է, որն, ըստ Ն. Փաշինյանի կողմից կառավարության նիստում շրջանառության մեջ դրված վարկածի, փորձել է ավտոբենզինով վառել վառարանը։
Կապիտանը, ինչպես հայտնի է եւս այրվածքներ էր ստացել ու տևական ժամանակ գտնվում էր հիվանդանոցում, իսկ տուժող կողմը սկսել էր սեփական հետաքննությունն իրականացնել՝ չվստահելով պաշտոնական վարկածին։ Քրեական գործով ընդհանուր առմամբ հինգ մեղադրյալ կա։ Գործն այժմ գտնվում է Գեղարքունիքի մարզի ընդհանուր իրավասության դատարանի դատավոր Վարդան Հարությունյանի վարույթում։ Գործով այդպես էլ չի պարզվել, թե ինչու զինվորները չեն կարողացել դուրս գալ բռնկված կացարանից։
Հեղինակ՝ Իզաբել Սահակյան

դիտվել է 604 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am