ՔՊ-ն սպասում է, որ Գյումրիում ձևավորված իշխանությունը ճաքեր է տալու
ՔՊ-ական Սարիկ Մինասյանը Գյումրիում բացառել է իր համագործակցությունը Գյումրիի քաղաքապետ Վարդան Ղուկասյանի հետ։
«Բացառում եմ հետագա համագործակցությունը. ես ուր, կոմունիզմը ուր», – լրագրողների հետ զրույցում ասել է Սարիկ Մինասյանը՝ բացառելով ՔՊ-ի և կոմունիստների միջև ինչպես ներկա, այնպես էլ ապագա համագործակցությունը։
Նա նաև անդրադարձել է հարցին, թե ինչու Քաղաքացիական պայմանագիր խմբակցությունը փոխքաղաքապետի թեկնածու չէր առաջադրել։
«Ես նշեցի, որ մանդատը վերցնում եմ, բայց որևէ պաշտոնի չեմ հավակնում։ Գյումրիում ամենամեծ «պաշտոնը» ես ունեմ՝ ներկայացնում եմ 17,200 ձայն ստացած խմբակցություն։ Քանի որ համայնքային իշխանությունը ձևավորվել է ոչ դասական քաղաքական գործընթացների արդյունքում, մենք հայտարարել ենք, որ այդ գործընթացին մասնակցություն չենք ունենալու։ Բացի այդ, անիմաստ է փոխքաղաքապետի թեկնածու առաջադրել. դա կնշանակի համագործակցություն, կնշանակի կոալիցիայի հուշագիր, ինչից մենք հրաժարվել ենք», – ասաց Մինասյանը։
Նա անդրադարձավ նաև հավանական արտահերթ ընտրությունների հնարավորությանը՝ ընդգծելով. «Արտահերթ ընտրությունների օրակարգը կբարձրանա այն ժամանակ, երբ այս ձևով ձևավորված իշխանությունը կսկսի ճաքեր տալ։ Երբ անձնական և քաղաքական շահերը սկսեն բախվել, ինչը, իմ համոզմամբ, անխուսափելի է»։
Աղբյուր՝ Փաստինֆո
Հետևեք մեզ Viber-ում
