Հուսիթները հայտարարել են, որ հարվածներ են հասցրել Թել Ավիվում և Աշկելոնում իսրայելական թիրախներին

Եմենի «Անսար Ալլահ» ապստամբ շարժման հուսիթները չորս անօդաչու թռչող սարքով հարված են հասցրել Թել Ավիվում և Աշկելոնում գտնվող իսրայելական թիրախներին։ Այս մասին հայտարարել է հուսիների ռազմական խոսնակ Յահյա Սարիան։

«Եմենի զինված ուժերը կրկնակի գործողություն են իրականացրել՝ երեք «Յաֆա» անօդաչու թռչող սարքերով հարձակվելով օկուպացված Ջաֆա շրջանում գտնվող իսրայելական թշնամու կարևոր ռազմական օբյեկտների վրա, ինչպես նաև մեկ «Յաֆա» անօդաչու թռչող սարքով հարձակվելով օկուպացված Աշկելոնի կարևորագույն օբյեկտի վրա», - ասել է շարժման ներկայացուցիչը հուսիներին պատկանող «Ալ Մասիրա» հեռուստաալիքի եթերում։