Բեկորային վնասվածք ստացած քաղաքացու վիճակը ծանր է. մանրամասներ Երևանում տեղի ունեցած պայթյունի դեպքից

Նոյեմբերի 27-ին, ժամը 14:58-ին ահազանգ է ստացվել, որ Երևան քաղաքի Այվազովսկի փողոցի տներից մեկի բակում հայտնաբերվել է արկ. անհրաժեշտ է փրկարարների օգնությունը: Միաժամանակ Էրեբունու ոստիկանության բաժնից տեղեկություն է ստացվել՝ նույն հասցեից բեկորային վնասվածքով քաղաքացի է տեղափոխվել Էրեբունի ԲԿ, որի առողջական վիճակը գնահատվել է ծանր: Դեպքի վայր է մեկնել քաղպաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական և արտակարգ իրավիճակների արձագանքման խմբերը: Պարզվել է, որ հայտնաբերվել են հակատանկային արկի բեկորներ (4-5 հատ): Ժամը 16:30-ին ինժեներասակրավորական խումբը հակատանկային արկի բեկորները հանձնել է ոստիկանության աշխատակիցներին: