ԵՏՄ–ն չի ապահովել Հայաստանի անվտանգությունը.Ստեփան Սաֆարյան

Ինտեգրումը բազմակողմանի գործընթաց է,ԱԺ-ում «Ելք» դաշինքի առաջարկով «Եվրասիական տնտեսական միության մասին պայմանագրից Հայաստանի դուրս գալու գործընթացի մեկնարկի մասին» լսումների ժամանակ, ասաց Միջազգային հարցերի եւ անվտանգության խնդիրների ինստիտուտի ղեկավար Ստեփան Սաֆարյանը։ «Այս քննարկումը մենք պետք է ունենայիք 2014 թվականի վերջին, երբ ՀՀ-ի անունից որոշում կայացվեց անդամակցել Եվրասիական տնտեսական միությանը: Ուղղակի, հենց այնպես, իշխող կուսակցության որոշմամբ՝ ՀՀ ինքնիշխանությունը սահմանափակվեց: Եթե 2 տարի առաջ իշխող կուսակցության համար շատ ավելի հեշտ կլիներ գեղեցիկ խոստումներ տալ ինտեգրացիայից սպասվող տարբեր օգուտների մասին, այդ թվում՝ քաղաքական, տնտեսական, ռազմատեխնիկական բլոկներով, ապա այսօր այդպիսի հնարավորություն իշխանությունն այլևս չունի: Եվ փաստերը, անկախ մեր ցանկությունից, բավական անողոք են»,- այսօր ԱԺ-ում ԵԱՏՄ-ին ՀՀ-ի անդամակցությունը դադարեցնելու մասին խորհրդարանական լսումների ժամանակ հայտարարեց Միջազային և անվտանգության հարցերի հայկական ինստիտուտի ղեկավար Ստյոպա Սաֆարյանը` շեշտելով, որ ԵԱՏՄ-ից դուրս գալու քաղաքական որոշումը Հայաստանը պետք է օր առաջ կայացնի: Ս.Սաֆարյանը նշեց, որ, եթե անգամ այսօր պետական վիճակագրությունն ունի որևէ հպարտանալու հիմք, ապա թվերը բացառապես վերաբերում են երկկողմ հարաբերություններին, բայց ոչ՝ բազմակողմ: Նա հարցադրում արեց` ի՞նչ էր խոստացվում, և ի՞նչ ունենք այսօր: Նրա խոսքով՝ ԵՏՄ–ում Հայաստանի անարդյունավետ անդամակցությունը չի խոսում որեւէ բազմակողմ ինտեգրման մասին։ «ԵՏՄ–ում Հայաստանի անդամակցությունը պայմանավորված էր բացառապես անվտանգության ապահովման հարցով»,– նշեց Սաֆարյանը՝ հավելելով, որ պետություններն իրենց սուվերեն իրավունքների սահմանափակմանը գնում են միայն անվտանգության երաշխիքների առկայության դեպքում, ինչը Հայաստանի պարագայում տեղի չի ունեցել։