«Թավշյա հեղափոխության» նվաճումների մասին. Փաշինյան Նիկոլի ակտիվն ու պասիվը

«Թավշյա հեղափոխության» նվաճումների մասին. Փաշինյան Նիկոլի ակտիվն ու պասիվը

——————————

1. Նիկոլենք քաղաքացուն հազարներով սպանել են, բայց նշում են քաղաքացու օրը։ Հենց սա՛ է հեղափոխական պոպուլիզմը, դեմագոգիան, փարիսեցիությունը, ցիիզմը, լկտիությունը։

2. Քաղաքացու օրը նշվում է անմակարդակ գեղցու մշակույթի կրողներով։ Ճիշտ է, Երևանի Մաշտոցի պողոտայի վրա, փառք Աստծո, արդեն խորոված չի պատրաստվում, բայց միևնույն է Նիկոլ Փաշինյանի գեղցիության հոտը զգացվում է։

3. Նախընտրական կեղծիքներին փոխարինելու են եկել հետընտրական կեղծիքները, երբ վերանայվում են քաղաքացիների տված քվեի արդյունքները՝ ապօրինի հետապնդումների, «անասնագողության», ստվերային գործարքների և մեթոդների օգնությամբ։

4․ Մականունավոր օլիգարխներին փոխարինելու են եկել «հեղափոխական» օլիգարխները՝ Նիկոլ Փաշինյանի գլխավորությամբ։ Ի դեպ, որոշ մականունավորների հետ լավ լեզու են գտել «հեղափոխականներն» ու փայ մտել հետները։ Աննա Հակոբյանը դարձել է «հեղափոխական» օլիգարխիայի խորհրդանիշը։ Նա իր մեջ խտացնում է Ռաիսա Գորբաչովայի և Չաուշեսկուի կնոջ կերպարները։

5․ Կոռուպցիան ու ընտրակաշառքը դարձել են «պետական»։ Գյումրիի ընտրությունները դրա վառ ապացույցն էին։

6․ Նիկոլ Փաշինյանի իշխանության տարիներին մահը երիտասարդացել է, Արցախը՝ հանձնվել, մեր պետության տարածքը՝ փոքրացել։

7․ «Հեղափոխությունը» բերել է գների աճ, հարկեի և տուրքերի ավելացում, տրանսպորտի թանկացում, արագաչափերի ու տեսախցիկների քանակային ավելացում, պետական պարտքի կրկնապատկում։ Աղքատացել են ՀՀ հպարտ որակված քաղաքացիները, հարստացել են Նիկոլ Փաշինյանը, իր նեղ շրջապատն ու բանկերը։ Փաշինյանի համար քաղաքացին թալանի ու տուգանքի մատերիալ է։

8․ Նիկոլ Փաշինյանը հակադրության մեջ է դրել պետության ու քաղաքացու շահերը՝ վերջինիս ավելի բարձր դասելով։ Այս թեզի տակ կեղտոտ բան կա։ Թուրք–ադրբեջանական թելադրանքներով առաջնորդվող Նիկոլը քարոզչական նախապատրաստական աշխատանք է կատարում, որպեսզի հետագայում հայտարարի, որ հանուն քաղաքացու կարելի է զոհաբերել պետությունը։ Իրականում հա՛մ քաղաքացուն է զոհաբերում, հա՛մ պետությունը։ Ինչպես որ Արցախի դեպքում եղավ։ Այսինքն՝ նա ոչ թե ծայրահեղ ազատական թեզ է առաջ տանում, այլ այդ թեզի տակ սղացնում է իր պրոթուրքական քաղաքականությունը։

9. «Քաղաքացու օր» նշող «հեղափոխականները» կռիվ են տալիս ՀՀ անկախության հռչակագրի դեմ, որը ՀՀ–ի ու ՀՀ քաղաքացու ձևավորման հիմքում է ընկած։

10. Գալիս է թիվ մեկ գեղցուց քաղաքացու վրեժի պահը։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից