Ոսկեպարից մարդիկ արտագաղթում են

Լրագրող Ոսկան Սարգսյանը ֆեյսբուքյան իր էջում գրում է․

«Սահմանազատման անվան տակ Կիրանց-Ոսկեպար հատվածում 30 տարի ամրացված դիրքերը, Կիրանցի հողերը Ադրբեջանին հանձնելու, սահմանազատման հետագա փուլի հետ կապված անորոշության, Հայաստանի անվտանգության մտահոգիչ վիճակի հետևանքով սահմանամերձ, հերոսական Ոսկեպար գյուղից վերջերս 2 ընտանիք արտագաղթել է Ռուսաստան։

Ոսկեպարից հայտնում են, որ ևս 2 ընտանիք նման մտադրություն ունի։

1980-ական թվականների կեսին Ոսկեպարի 8-ամյա դպրոցում սովորում էր 330 աշակերտ, Հայաստանի անկախության տարիներին արտագաղթի հետևանքով այժմ Ոսկեպարի միջնակարգ դպրոցն ունի 77 աշակերտ։ Ոսկեպարցիների զգալի մասը հաստատվել է Բելգորոդի մարզի Ստարի Օսկոլ քաղաքում, Վորոնեժում»։