Գերմանիան Թուրքիային կործանիչներ վաճառելու վերաբերյալ որոշում չի կայացրել
Գերմանիայի տնտեսության և կլիմայի պաշտպանության նախարարության խոսնակ Թիմ-Նիքլաս Վենցելն անդրադարձել է եվրոպական արտադրության «Eurofighter Typhoon» կործանիչները Թուրքիային վաճառելու վերաբերյալ տարածվող լուրերին: Այս մասին տեղեկացնում է ermenihaber.am-ը։
Նա ընդգծել է, որ Գերմանիայի ժամանակավոր կառավարությունը դեռևս որևէ որոշում չի կայացրել այդ հարցի շուրջ:
«Զենքի և սպառազինության արտահանման հարցերում Գալիք կառավաության կայացնելիք որոշումները նախապես չեն ընդունվելու ժամանակավոր կառավարության կողմից»,-ընդգծել է Վենցելը:
Նշենք, որ թուրքական մամուլում տարածվող լուրերի համաձայն, թուրքական կողմը հասել էր բանակցությունների այն փուլ, որտեղ արդեն պետք է որոշվեր վաճառքի գինը:
Հետևեք մեզ Viber-ում
