ՀՀ-ում 2024թ․ աճել են սպանության դեպքերը՝14․5 տոկոսով․ Վարդապետյան

2024թ ընթացքում արձանագրվել է մարդու դեմ ուղղված հանցագործությունների հանցագործությունների 7353 դեպք, 2023 թվականին՝ 7138, աճը կազմում է 3%: Մարդու դեմ ուղղված հանցագործությունների 7353 դեպքից 3007-ը կամ 40.9%-ը արձանագրվել է Երևան քաղաքում, 4346-ը կամ 59.1%-ը՝ մարզերում։ 2024 թվականին արձանագրվել է սպանության դեպքերի աճ ութով կամ 14․5%-ով։ Հիշեցնեմ՝ 2023 թվականին 55 դեպքեր, 2024 թվականին՝ 63 դեպք։ Երևանում սպանության դեպքերը նվազել են յոթով կամ 32%-ով։ Այս մասին ԱԺ պետաիրավական հարցերի հանձնաժողովի նիստում, ներկայացնելով տարեկան հաղորդումը, հայտարարել է ՀՀ գլխավոր դատախազ Աննա Վարդապետյանը։

Նա նաև հայտնեց, որ սպանության փորձի դեպքերը 2023 թվականի համեմատ նվազել են չորսով կամ 6.2%-ով, 2023 թվականին 65 դեպք ունեինք, 2024 թվականին 61-ը, սանության նախապատրաստության դեպքերը նվազել են երկուսով, 2023 թվականին չորս դեպքեր, 2024 թվականին երկուսը:

Ըստ հաղորդման՝ 2024 թվականին 2023-ի համեմատությամբ արձանագրվել է սեփականության դեմ ուղղված հանցագործությունների 149 դեպքով կամ 1.3%-ով նվազում։ Երևան քաղաքում դեպքերը նվազել են 298-ով կամ 4.3%-ով։

2024 թվականին նվազում է արձանագրվել ավազակության յոթով կամ 9.2%-ով, կողուպուտի 22-ով կամ 14.9%-ով, գողության 478-ով կամ 7%-ով, բնակարանային գողությունների 9-ով կամ 1%-ով, վստահված գույքի հափշտակության 58 կամ 14.1% դեպքերով։