Սա ևս մեկ պարզ վկայություն է, որ ՀՀ դե-ֆակտո իշխանությունները թուրքական են
2020 թ․-ից Ադրբեջանը՝ որպես պետություն, այդ թվում՝ նախագահի մակարդակով, բազմիցս անարգել, այդ թվում՝ այրել է հայկական եռագույնը։ Դա արել է Արցախի ու ՀՀ օկուպացված հողերում։ Հայաստանի դե-ֆակտո իշխանությունները երբեք չեն դատապարտել դա։
Երեկ հայերս որպես պատասխան ակտ այրել ենք ցեղասպան պետություններ (ոչ թե սոսկ «հարևան», այլ ցեղասպան) Թուրքիայի և Ադրբեջանի դրոշները, և ահա այսօր ՀՀ դե-ֆակտո իշխանությունները դատապարտել են դա։
Սա ևս մեկ պարզ վկայություն է, որ ՀՀ դե-ֆակտո իշխանությունները թուրքական են, որովհետև հանդես են գալիս թուրքական տեսանկյունի պաշտպանությամբ՝ «թուրքերին կարելի է հայոց դրոշն անարգել, հայերին չի կարելի թուրքերի դրոշն անարգել»։
Իսկ եթե փորձում են մոլորեցնել, թե «մենք արել ենք, դրա համար են իրենք անում, մենք ենք սկսել», բերանները փակե՛ք՝ հիշեցնելով, որ բնիկ հայոց հողերի զավթումը եկվոր թուրքերն են սկսել, ոչ թե հակառակը, հետևաբար՝ հայ-թուրքական թշնամանքի հարուցիչը, մեղավորն ու պատճառը թուրքերն են, ոչ թե հայերիս՝ մեր հողերում ազատ ու երջանիկ ապրելու իրավունքն ու ցանկությունը։
#ՀավերժականՀայաստան
#ՀաջորդտարիՇուշիում
քաղաքագետ Էլբակյան Էդգար
Հետևեք մեզ Viber-ում
