Իրանում հարստացված ուրանի յուրաքանչյուր միլիգրամը գտնվում է ԱԷՄԳ-ի լիարժեք հսկողության ներքո. Աբբաս Արաղչի
«Իրանում հարստացված ուրանի յուրաքանչյուր միլիգրամը գտնվում է Ատոմային էներգիայի միջազգային գործակալության լիարժեք և մշտական հսկողության և մոնիտորինգի ներքո»,- չորեքշաբթի հայտարարել է Իրանի արտգործնախարար Աբբաս Արաղչին, գրում է Mehr-ը։
«Իսրայելական ռեժիմի և որոշակի հատուկ շահագրգիռ խմբերի փորձերը՝ խաթարելու դիվանագիտությունը՝ օգտագործելով տարբեր մարտավարություններ, լիովին ակնհայտ են բոլորի համար-գրել է Արաղչին չորեքշաբթի Չինաստան կատարած այցի ժամանակ X ցանցի իր հաշվում։ - Մեր անվտանգության ծառայությունները գտնվում են բարձր զգոնության մեջ՝ հաշվի առնելով նախկինում դիվերսիաների և մահափորձերի դեպքերը, որոնք ուղղված են օրինական պատասխան հրահրելուն: Նրանք, ովքեր ձգտում են մանիպուլացնել հանրային կարծիքը, կարելի է ակնկալել, որ նույնպես հանդես կգան ֆանտաստիկ պնդումներով և ռեկվիզիտներով, ինչպիսին են արբանյակային սահմռկեցուցիչ լուսանկարները»:
«Իրականության ստուգում. Իրանում հարստացված ուրանի յուրաքանչյուր միլիգրամը գտնվում է Ատոմային էներգիայի միջազգային գործակալության լիարժեք և մշտական հսկողության ներքո»,- հավելել է նա։
Թեհրանը բազմիցս հայտարարել է, որ իր միջուկային ծրագիրը, ինչպես հաստատել է ՄԱԿ-ի միջուկային վերահսկողական մարմինը, զուտ խաղաղ բնույթ է կրում:
Վերջին երկու շաբաթվա ընթացքում Իրանն ու ԱՄՆ-ն միջուկային ծրագրի և պատժամիջոցների չեղարկման շուրջ բանակցությունների երկու փուլ են անցկացրել՝ նախ Օմանում, ապա Իտալիայի մայրաքաղաքում:
Բանակցությունների արդյունքներն ամփոփելիս երկու կողմերն էլ գոհունակություն են հայտնել բանակցությունների առաջընթացի առնչությամբ՝ այն բավական դրական և կառուցողական համարելով։
Հետևեք մեզ Viber-ում
