Սպիտակ տուն. Զելենսկին գնում է ոչ թե խաղաղության, այլ հակառակ ուղղությամբ
ԱՄՆ վարչակազմը կարծում է, որ Վլադիմիր Զելենսկին ոչ թե դեպի խաղաղություն է գնում Ուկրաինայում, այլ հակառակ ուղղությամբ։ Այս մասին լրագրողներին հայտնել է Սպիտակ տան մամուլի քարտուղար Քերոլայն Լևիթը։
«Միացյալ Նահանգների նախագահ Դոնալդ Թրամփը հիասթափված է: Նրա համբերությունը սպառվում է: Նա ցանկանում է խաղաղություն տեսնել», - ասել է Լևիթը:
«Բայց, ցավոք, նախագահ Զելենսկին կարծես սխալ ուղղությամբ է շարժվում», - ընդգծել է նա։
«Նախագահի ազգային անվտանգության թիմը, նրա խորհրդականները շատ ժամանակ, էներգիա և ջանք են ծախսել՝ փորձելով վերջ տալ այս պատերազմին: Ամերիկացի հարկատուները միլիարդավոր դոլարներ են ներդրել այդ ջանքերում: Բավական է: - ասել է մամուլի քարտուղարը։
Հետևեք մեզ Viber-ում
