Պուտինը չի ծրագրում մասնակցել Հռոմի պապի հուղարկավորությանը. Պեսկով
Ռուսաստանի նախագահ Վլադիմիր Պուտինը չի ծրագրում մասնակցել Հռոմի պապ Ֆրանցիսկոսի հուղարկավորությանը, հայտարարել է մամուլի քարտուղար Դմիտրի Պեսկովը, փոխանցում է РБК-ն։
«Ոչ, նախագահը նման ծրագրեր չունի»,- ասել է Պեսկովը։
Հարցին, թե ովքե՞ր են մեկնելու Ռուսաստանից Վատիկան, ՌԴ նախագահի մամուլի քարտուղարը պատասխանել է, որ որոշումը դեռ կայացված չէ։
Նախօրեին Պուտինը ցավակցական հեռագիր էր հղել Հռոմի կաթոլիկ եկեղեցու Կամերլենգոյին՝ Քևին Ջոզեֆ Ֆարելին։ «Բազմիցս հնարավորություն եմ ունեցել շփվելու այս նշանավոր մարդու հետ և հավերժ կպահեմ նրա մասին ամենավառ հիշողությունները»,- գրել է նա։
ՌԴ նախագահը «հատուկ նշան» է համարել այն, որ Հռոմի պապը մահացել է Զատկի ժամանակ։ Նա նշել է, որ վերջինս շատ բան է արել աշխարհի համար։ Պուտինը պոնտիֆիկոսի հետ հանդիպել է 2015 և 2019 թվականներին։
Հռոմի պապ Ֆրանցիսկոսի հուղարկավորությունը տեղի կունենա շաբաթ օրը՝ ապրիլի 26-ին, նրա մարմինը կհանգեցնի Սուրբ Պետրոսի տաճարում չորեքշաբթի՝ ապրիլի 23-ին։
Հետևեք մեզ Viber-ում
