Ոսկու գինը հասել է պատմական առավելագույնին

Ոսկու գինը ռեկորդ է սահմանել՝ գերազանցելով տրոյական ունցիայի դիմաց 3350 դոլարի նշագիծը, վկայում են առևտրի տվյալները։
Մոսկվայի ժամանակով ժամը 21:26-ի դրությամբ Նյու Յորքի Comex բորսայում հունիսյան ֆյուչերսների արժեքը նախորդ փակման համեմատ աճել է 113,39 դոլարով կամ 3,5 տոկոսով՝ մեկ տրոյական ունցիայի դիմաց հասնելով 3353,79 դոլարի։ Նոր պատմական առավելագույնը եղել է 3354,65 դոլար:
Ոսկու՝ որպես ապահով ապաստարանի ակտիվի պահանջարկը մեծանում է աշխարհաքաղաքական անորոշության կամ համաշխարհային տնտեսական լարվածության ժամանակ։ Միաժամանակ, որոշ տնտեսագետներ զգուշացնում են այն պատմականորեն բարձր գներով գնելուց։