Հրդեհ՝ Բաթումի հյուրանոցում. կան բազմաթիվ զոհեր

Վրաստանի ՆԳՆ-ն տվյալներով Բաթումի «Լեո Գրանդ» հյուրանոցում հրդեհ է բռնկվել,   մահացել է 11, տուժել՝ 21 մարդ:Զոհ է դարձել Վրաստանի 10 քաղաքացի և Իրանի 1 քաղաքացի: Տեղի իրավապահ մարմիններում «Sputnik Վրաստան» գործակալության աղբյուրի խոսքով՝ հրդեհից տուժել են Իսրայելի և Թուրքիայի քաղաքացիներ: Հրդեհը բռնկվել է հյուրանոցի 4-րդ հարկում՝ ուրբաթ, տեղի ժամանակով ժամը 20:00-ին:  Ենթադրվում է, որ բռնկման օջախը եղել է սպա-սրահում: Այդ պահին այնտեղ են գտնվել «Միսս Վրաստան» մրցույթի մասնակից գեղեցկուհիները, որոնց բոլորին ժամանակին տարհանել են, նրանցից ոչ մեկը չի տուժել: Հարուցվել է քրեական գործ՝ «հակահրդեհային անվտանգության կանոնները խախտելու համար, որը դարձել է 2 և ավելի մարդու մահվան պատճառ»:Մեղավորները կպատժվեն օրենքի ողջ խստությամբ: