Էրդողանն ավելի քան 13.000 դոլարի հայց է ներկայացրել ընդդիմության առաջնորդի դեմ

Թուրքիայի նախագահ Ռեջեփ Թայիփ Էրդողանն ավելի քան 13.000 դոլարի դատական հայց է ներկայացրել Թուրքիայի գլխավոր ընդդիմադիր Ժողովրդահանրապետական կուսակցության առաջնորդ Օզգյուր Օզելի դեմ։ Այս մասին հայտնել է Թուրքիայի ղեկավարի փաստաբան Հուսեյն Այդընը։

«Արտահերթ համագումարում Ժողովրդահանրապետական կուսակցության նախագահ Օզգյուր Օզելի հնչեցրած անհիմն մեղադրանքների և «խունտա» ու այլ վիրավորական արտահայտությունների պատճառով Անկարայի առաջին ատյանի քաղաքացիական դատարան 500.000 թուրքական լիրայի (ավելի քան 13.000 դոլար) չափով հայց է ներկայացվել ոչ նյութական վնասի փոխհատուցման վերաբերյալ։

Բացի այդ Անկարայի գլխավոր դատախազություն քրեական դիմում է ներկայացվել նախագահին վիրավորելու փաստով», – Х սոցցանցում հայտնել է փաստաբանը։