Սահմանամերձ 3 գյուղերը գազաֆիկացվել են, սակայն բնական գազի բաժանորդներ չկան
Լրագրող Ոսկան Սարգսյանը ֆեյսբուքյան իր էջում գրել է․
«Սահմանամերձ 3 գյուղերը գազաֆիկացվել են, սակայն բնական գազի բաժանորդներ չկան
2024թվականին Իջևան համայնքի Կիրանց, Բերքաբեր, Աճարկուտ գյուղերը սուբվենցիոն ծրագրով գազաֆիկացվեցին։ Այդ ծրագրում համայնքի ներդրումը՝ 82 միլիոն դրամ, նվիրաբերեց գործարար Միքայել Վարդանյանը; Սակայն այդ 3 գյուղերում բնական գազի ոչ մի բաժանորդ չկա, քանի որ գյուղացիները գազատարին միանալու, իրենց տներ ճյուղավորում անցկացնելու համար գումարներ չունեն։ ՀՀ կառավարությունը կարող էր սահմանամերձ այդ գյուղերի բնակիչների համար կարևոր այս խնդիրը լուծել, սակայն գերադասում է պետբյուջեի գումարները մսխել պաշտոնյաներին տրվող հսկա պարգևավճարների, զանազան ֆեստիվառներ կազմակերպելու, Նիկոլ Փաշինյանի ու իր ընկերախմբի հեծանվային զբոսանքները ֆինանսավորելու միջոցով։ 3 գյուղերի առանձնատների գազաֆիկացումը կնպաստեր, որ այդ բնակավայրերի բնակիչների կողմից վառելափայտի սպառումը քչանա, նվազի անտառի վրա ճնշումը»։
Հետևեք մեզ Viber-ում
