ԵՄ-ն ԱՄՆ-ի դեմ պատասխան միջոցների առաջին փաթեթը կներկայացնի

ԵՄ-ն ապրիլի 9-ին կհաստատի ԱՄՆ-ի մաքսատուրքերին ի պատասխան միջոցառումները, իսկ առաջին փաթեթն ուժի մեջ կմտնի ապրիլի 15-ին, իսկ մնացածը՝ մայիսի 15-ին։ Այս մասին հայտարարել է Առևտրի հարցերով եվրահանձնակատար Մարոս Շեֆչովիչը՝ Լյուքսեմբուրգում կայացած առևտրի հարցերով ԵՄ նախարարների ոչ պաշտոնական հանդիպման արդյունքներով։

«Ապրիլի 9-ին կհաստատվեն հակաքայլերը, առաջին փաթեթն ուժի մեջ կմտնի ապրիլի 15-ին, հաջորդը՝ մայիսի 15-ին»,- ասաց նա՝ ընդգծելով, որ Եվրահանձնաժողովը «ուղղված է բանակցային լուծմանը, բայց մտադիր չէ հավերժ սպասել»։ Շեֆչովիչը չի հստակեցրել, թե որ ապրանքների վրա են դրվելու մաքսատուրքերը՝ չցանկանալով «կանխատեսել իրադարձությունները»։