Իրանը բանակը բարձր մարտական պատրաստվածության է բերել և նախազգուշացրել Թուրքիային
Իրանը դիմադրում է իր միջուկային ծրագրի վերաբերյալ ուղիղ բանակցությունների անցկացման կամ իր տարածքը ռմբակոծելու ԱՄՆ պահանջներին՝ զգուշացնելով ամերիկյան բազաներն իրենց տարածքներում տեղակայած հարևաններին, որ միջամտելու դեպքում նրանք ևս կգնդակոծվեն, հայտարարել է իրանցի բարձրաստիճան պաշտոնյան:
Թեև Իրանը մերժել է ԱՄՆ նախագահ Դոնալդ Թրամփի ուղիղ բանակցությունների պահանջը, նա ցանկանում է շարունակել անուղղակի բանակցությունները Օմանի միջոցով, որը մրցակից պետությունների միջև հաղորդագրությունների փոխանակման վաղեմի ալիք է, հայտարարել է Reuters-ին անանունության պայմանով հարցազրույց տված պաշտոնյան։
«Անուղղակի բանակցությունները հնարավորություն են տալիս գնահատելու Վաշինգտոնի մտադրությունների լրջությունը՝ Իրանի խնդրի քաղաքական լուծման առնչությամբ,-հայտարարել է պաշտոնյան։ -Թեև ճանապարհը կարող է «փշոտ» լինել, նման բանակցությունները կարող են շուտով սկսվել, եթե ԱՄՆ-ն աջակցի դրանց»:
Իրանը ծանուցումներ է ուղարկել Իրաքին, Քուվեյթին, Արաբական Միացյալ Էմիրություններին, Կատարին, Թուրքիային և Բահրեյնին, որ ԱՄՆ-ի կողմից Իրանի վրա հարձակման ցանկացած աջակցություն, ներառյալ հարձակման ժամանակ իրենց օդային կամ ցամաքային տարածքն ԱՄՆ բանակի կողմից օգտագործումը կդիտվի որպես թշնամական գործողություն:
Ըստ պաշտոնյայի՝ նման արարքը «լուրջ հետևանքներ կունենա իրենց համար», նա հավելել է, որ Գերագույն առաջնորդ այաթոլլա Ալի Խամենեին հրամայել է Իրանի զինված ուժերը բարձր պատրաստվածության բերել:
Իրաքի, Քուվեյթի, Արաբական Միացյալ Էմիրությունների, Կատարի և Բահրեյնի կառավարությունների ներկայացուցիչները պատասխանել են մեկնաբանությունների խնդրանքներին: Թուրքիայի ԱԳՆ-ն հայտարարել է, որ տեղյակ չէ այդ նախազգուշացման մասին, սակայն նման հաղորդագրությունները կարող են փոխանցվել այլ ուղիներով:
Հետևեք մեզ Viber-ում
