Ադրբեջանական ԶՈՒ-երի կողմից Խնածախի ուղղությամբ կրակոցներ արձակելու դեպքով քրեական վարույթ է նախաձեռնվել

Ադրբեջանական ԶՈՒ-երի կողմից մարտի 30-ի լույս 31-ի գիշերը Խնածախի ուղղությամբ կրակոցներ արձակելու դեպքի վերաբերյալ քննություն է իրականացվում։ ՀՀ ՔԿ մամուլի քարտուղար Կիմա Ավդալյանը «Փաստինֆո»-ի հետ զրույցում հայտնեց, որ դեպքի առթիվ նախաձեռնվել է քրեական վարույթ՝ Քրեական օրենսգրքի 44-155-րդ 2-րդ մասի 7-րդ եւ 15-րդ կետերով (ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով՝ այլ անձանց կյանքի համար վտանգավոր եղանակով սպանության փորձի ) և 335-րդ հոդվածի 1-ին (ապօրինի հրազեն պահելը) մասով:

«Նշանակվել են դատաձգաբանական և դատաապրանքագիտական փորձաքննություններ»,- նշեց Ավդալյանը։

Հիշեցնենք, որ մարտի 31-ին՝ կեսգիշերին, ադրբեջանական ԶՈՒ-երը կեսգիշերին կրակոցներ են արձակել Սյունիքի մարզի Խնածախ գյուղի ուղղությամբ, ինչի հետևանքով վնասվել է բնակել տուն։ Խնածախի նախկին համայնքապետ Կարո Թավադյանը մեզ հետ զրույցում պատմել էր, որ վերջին շրջանում կրակոցները Խնածախի ուղղությամբ շատացել է, մարտի 20-ից սկսել է, երկու օր ընդմիջում է եղել, սակայն այդ գիշեր առավել ինտենսիվ է եղել։