Նիկոլ Փաշինյանը սպառել է իրեն. Հակոբ Ասլանյան

11:24 - 5/ապրիլի/2025

Դիտել նաև Փաշինյանը գիտի, որ իր ձեթով պերաշկի ու տաք կարտոֆիլը փչելով ուտելը դուր է գալու լայն զանգվածների. Հովասափյան Մի թարմ զավեշտ․ Սեփական ամբիցիաների համար քաղաքացու հիմնարար իրավունքը «խաղալիք» դարձնելը հակաբարոյականություն է Հայ հասարակությունը արդեն 8 տարի է՝ պահվում է լարված, բևեռացված ու ատելության մթնոլորտում․ փաստաբան Քաղաքացին շարունակելու է ճկռել, իսկ չինովնիկը՝ պարգևավճարներ ստանալ․ փաստաբան

«Եթե իշխանությունը կամ իշխանության ներկայացուցիչը չի վայելում ժողովրդի մեծամասնության վստահությունը, նա պարտվում է։ Երկրում ստեղծված իրավիճակը կարող ենք նկարագրել այսպես՝ սա ուղղակի «պռավալ» է։ Ժողովրդի սպասումները ոչ միայն չեն արդարացել, այլև մեծ հիասթափություն է առաջացել»,- «24Նյուզ»-ի հետ զրույցում հայտնեց ԱԺ պատգամավոր Հակոբ Ասլանյանը՝ խոսելով Գյումրիում և Փարաքարում ՔՊ-ի պարտության մասին։

«Ապացուցվեց, որ ՔՊ-ում շատ-շատերը չդիմացան ո՛չ իշխանության, ո՛չ փողի, ո՛չ էլ վախի փորձությանը։ Եթե ուզում ենք ազատ հասարակություն ձևավորել, պետք են մարդիկ, որոնք այդ փորձությունները կարող են հաղթահարել»,- ընդգծեց նախկին ՔՊ-ականը։

Նա նաև հավելեց, որ ամբողջ ժողովրդին հնարավոր չէ խաբել, և ակնհայտ է՝ ՔՊ-ի վարկանիշն ընկել է և շարունակում է ընկնել։ Ասլանյանի խոսքով՝ ժողովուրդը մեծ հիասթափություն է ապրել, քանի որ տրված խոստումներն իշխանությունները չեն կատարել։

Ասլանյանի համոզմամբ՝ 2026 թվականին Նիկոլ Փաշինյանը չի ընտրվի վարչապետ․ «Բացի իր նեղ շրջապատից, ոչ մեկը նրան վարչապետ չի ուզում տեսնել․ Նիկոլ Փաշինյանը սպառել է իրեն»։