Իր «գժականով» հազարամյակների պատմություն ունեցողը հայերիս է գժի տեղ դրել. Նարինե Կիրակոսյան
Լրագրող Նարինե Կիրակոսյանը իր ֆեյսբուքյան էջում գրում է.
«Բոլոր նախարարությունների և գերատեսչությունների կայքերը առնվազն 2019 թվականից իբրև նորացվել են, բայց իրականում հները մնացել են նույն տարվա դրությամբ, նույն սառեցված վիճակում։ Իսկ նոր կայքերից և ոչ մեկն էլ արդեն 6 տարի է չի աշխատում։
Այս պահին օրինակ փորձում էի Միգրացիայի և քաղաքացիության ծառայության կայքի էջում գտնել այն տեղը, որով հատուկ ծածկագրով կարելի է հետևել դիմումի ընթացքին և չկա այդպիսի տեղ, հնարավորություն։ Այնինչ դիմումների հետևելու բաժինը թեժ գծի հեռախոսահամարի հետ միասին ամենաերևացող տեղում պետք է տեղադրեին։
Նաև ոչ մի նախարարություն և գերատեսչություն նորմալ չի պատասխանում զանգերին։ Ավտոմատը միանում է, զգուշացնում, որ զանգը ձայնագրվում է իբր ծառայությունները բարելավվելու համար, իրականում ռոբոտի ցուցումներով, թե «հայերենի համար սեղմեք 1», «օպերատորին միանալու համար սեղմեք 0»․ ժամանակ է ձգում ու հեռախոսիցդ փող է քաշում, քանի որ զանգերի այդ ծառայությունները վճարովի են ու օպերատորին կամ չեն միացնում, որովհետև «ազատ գիծ չկա», կամ էլ զանգելուցդ փոշմանում ես, որովհետև պարզ հարցերին պարզ պատասխաններ չեն տալիս։
Կարելի է այս ամենի մասին, պետական ապարատում տիրող բարդակի, անաշխատունակության մասին մանրամասն գրել, բայց ո՞ւմ և ինչի՞ համար, եթե մեկ է սա կարդալու է նիկոլ փաշինյանը և մյուս կառավարության նիստին օգտագործի իր պոպուլիստական դատարկախոսության համար։
Դրա վառ օրինակն էր երեկվա նիստը, երբ պետության գլխին նստածն ասում էր, թե «դուք ինձ կգժվացնեք, ինչի՞ չեք աշխատում»։
Այս դեմագոգին կարելի էր հարցեր չտալ, քանի որ մարդն իր թայֆայով, փողով, թե շանտաժով նախկինում վարորդական իրավունք ստացածը, վաղուց իր «գժականով» հազարամյակների պատմություն ունեցող հայերիս է գժի տեղ դրել ու մեկ գրամ անգամ ի սրտե ցավ չի ապրում հազարավոր երեխաների զոհվելու պահով, կամ Արցախը Ալիևին նվիրելուց միայն ուրախանում է։
Ու չեմ էլ տա հարց, միայն կասեմ, որ մյուս անգամ լավ կլիներ խոստովաներ, թե բացի վարորդական իրավունքից, էլ ինչե՞ր է ստացել փողով, կամ շանտաժով։ Դլյա գալոչկի «խաբված ժողովուրդն» իմանա, որ ամեն դիվահարվածի ետևից չվազի «հեղափոխություն» ապահովի Հայաստանի թշնամիների համար»:
Հետևեք մեզ Viber-ում
