Երևանում բախվել են Mercedes-ն ու BMW-ն. BMW-ն էլ տապալել է լուսակիրը (светофор). ՖՈՏՈՌԵՊՈՐՏԱԺ

Այսօր՝ մարտի 1-ին, ավտովթար է տեղի ունեցել Երևանում: Ժամը 10:00-ի սահմաններում Սեբաստիա-Լենինգրադյան փողոցների խաչմերուկում բախվել են Երևանի բնակիչ, 27-ամյա Կարապետ Արաջյանի վարած Mercedes Benz E 280 մակնիշի 33 TT 986 համարանիշի և Արագածոտնի մարզի Արագածավան գյուղի բնակիչ, 26-ամյա Սամսոն Հակոբյանի վարած BMW մակնիշի 34 TZ 149 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով բարեբախտաբար զոհեր և վիրավորներ չկան: Իսկ բախման հետևանքով էլ BMW-ն դուրս է կել ճանապարհի երթևեկելի գոտուց, հարվածել խաչմերուկը կարգավորղ լուսակրին (светофор) և այն տապալել: Օպերատիվորեն ժամանել են Ճանապարհային ոստիկանության 1-ին սպայական գումարտակի 6-րդ դասակի աշխատակիցները՝ դասակի հրամանատար Էդգար Մայիլյանի գլխավորությամբ: Օպերատիվորեն ժամանել են նաև «Լուսանշան» ՊՈԱԿ-ի աշխատակիցները՝ բաժնի պետ Արման Սաֆարյանի գլխավորությամբ: Փաստի առթիվ ՃՈ 1-ին սպայական գումարտակի սպայական ջոկի տեսուչ Հրանտ Աբրահամյանի կողմից անվարույթ նյութեր են նախապատրաստվում: Ժամանել է նաև «Ռոսգոստրախ» ապահովագրական ընկերության ներկայացուցիչը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի