Ես ամեն օր շնորհակալու­թյուն հայտնում եմ Սերժ Սարգսյա­նին իմ աղոթքներով. Վազգեն Խաչիկյան

«Հայ­կական ժամանակ»-ը զրուցել է սոցիալական ապահո­վության պետական ծառա­յության նախկին պետ Վազգեն Խաչիկյանի հետ: -Պարոն Խաչիկյան, ինչո՞վ եք զբաղվում, ինտեգրվե՞լ էր քաղա­քացիական կյանքին: -Հիմա ինձ հոգեհարազատ աշ­խատանք եմ փնտրում, որպեսզի գործունեություն ունենամ և այդպես: Իհարկե, ինտեգրվել եմ, իհար­կե, ինտեգրվում եմ: -Ո՞ր ոլորտում եք Ձեզ պատկերացնում: -Տարբեր, դասախոսական, չգի­տեմ: Մինչև նոր տարի փնտրտուք կլինի, իսկ արդեն նոր տարուց նոր կյանք կսկսենք: -Հետևո՞ւմ եք քաղաքական գոր­ծընթացներին: -Հետաքրքրվում եմ այնքանով, որքանով դուք եք հետաքրքրվում: -Անտարբեր չե՞ք քաղաքական գործընթացների նկատմամբ: -Ո՞նց կարող եմ անտարբեր լինել: -Վերջին քաղաքական գործըն­թացներին նաև Ձեր եղբայրն էր մասնակցում: Ախթալա համայնքի ղեկավարի ընտրությունում նա պարտվեց: Սպասելի՞ էր: -Դե հիմա ընտրություն է: Մեկը պետք է հաղթի, մեկը պարտվի: Չա­սեմ սպասելի, բայց ցանկալի չէր: Հիմա ժողովրդի ընտրությունն է: Ձայն բազմաց, ձայն Աստծո: -Ասում եք, որ մեզ նման հետևում եք քաղաքական գործընթացնե­րին: Մեր ուշադրության կենտրոնում 2018 թ. վարչապետի հարցն է, Ձեզ հետաքրքի՞ր է այդ հարցը: -Ինձ համար պարզ է, որ վարչա­պետի հարցը պետք է որոշի ՀՀԿ-ն, և ով էլ կլինի, մենք կողջունենք որ­պես ՀՀ շարքային քաղաքացի: Որ­պես շարքային քաղաքացի, մենք հավատարիմ կլինենք այլ կառավարության և կուսակցության գծին: -Որպես քաղաքացի Ձեր կյանքը լա՞վ է: -Ես որպես քաղաքացի նոր եմ դուրս եկել (ՔԿՀ-ից) և չեմ կարող ասել իմ կյանքը լավ է, թե վատ է: Այո, իմ կյանքը լավ է, որովհետև անազատության մեջ շատ ավելի վատ էր, քան հիմա: -Տեղեկություններ են շրջանառվում, որ Սերժ Սարգսյանը Ձեզ նշա­նակելու է ինչ-որ պաշտոնում: -Ձեր ասածը գիտական ֆան­տաստիկայի ժանրից է: -Քննարկում չե՞ք ունեցել Սերժ Սարգսյանի հետ: -Իհարկե ոչ: -Բացառո՞ւմ եք, որ Ձեզ որևէ պաշտոնում կնշանակեն: -Այս աշխարհում ես ոչինչ չեմ բացառում: Այդ թվում նաև իմ ազա­տազրկվելը, այդ թվում՝ եղբորս չընտրվելը, այդ թվում նաև ցանկա­ցած բան, բայց այն, ինչ որ ասում եք, գիտական ֆանտաստիկայի ժանրից է: Դա այնքանով է հավա­նական, որքանով ես կարող է տիե­զերք թռչեմ: Հավանական է, բայց ֆանտաստիկա է: -Սերժ Սարգսյանին ինչ-որ մի ձևով շնորհակալություն հայտնե՞լ եք Ձեր ազատման համար: -Ես ամեն օր շնորհակալու­թյուն հայտնում եմ Սերժ Սարգսյա­նին իմ աղոթքներով, իմ մտածում­ների մեջ: Առերես՝ ոչ: -Աղոթքները տեղ հասնո՞ւմ են: -Դա Աստծո գործն է: Ես հիմա չգիտեմ՝ Աստված ինքն է տնօրի­նելու (ծիծաղում է): Ես չեմ կարող որոշել հասնում է տեղ, թե չէ: Այդ ճանապարհները դեպի Աստված, մեր ճանապարհների նման չեն, երևի թե ուղիղ է: Եթե լավ ենք աղոթում, հասնում է: Խորդուբորդ ճանապարհներով, եթե մենք կա­րողանում ենք տեղ հասցնել, առա­վել ևս: Աստծո հետ կապն առանց միջնորդի է»: Մանրամասները՝ թերթի այսօրվա համարում