Արգամիչը վիրավոր է. Արգամիչը բողոք ունի

«Իրատես» թերթը գրում է. «Թե ինչու մեկ էլ ու այս ձմեռնամուտին «հանգած վտակ», քաղաքական գնացքից դուրս «թռած» Հովիկ Արգամիչը, որ վերջին շրջանում իրեն տվել է հայոց, առավել ստույգ` Ղարաբաղի սարերին, նորից սկսեց կարկաչել սեւակյան հանգերով, խիստ անհասկանալի մնաց: Բայց դա` առաջին հայացքից: Վերջին օրերի ուխտավոր նրա կերպը միանգամից տեղափոխվեց «գիդի» կերպի մեջ, որ ոչ թե Ղարաբաղի եկեղեցիներ էր ուղեկցում, այլ ցուցանում էր նրա վատ պաշտպանված ենթագիտակցարանը (այո, Արգամիչի «վատ» շրջապատը նախ «դավում» է նրան, ապա ստիպում վտակվել, գետակվել, գիդվել-փշուրվել` այդ ամենի տակից դուրս գալու համար): Այս անգամ` սեւակաբար, ինչը ցուցանում է մեկ բան. Արգամիչը վիրավոր է: Արգամիչը բողոք ունի, որ այդ պահին հնչում է սեւակյան «շուրթերով» (ընդդեմ Նիկոլի, բայց` ոչ միայն), եւ «բազմաշերտանի» նրա ասույթում այնքա՜ն չասված խոսքեր կան, այնքան չհնչած մտքեր, որ Արգամիչը (Նարեկացու նմա՞ն) Մոնումենտի բոլոր անտառները կտրի-մագաղաթ դարձնի, ծառերն էլ` գրիչ, անհնար կլինի «զետեղվել» դրանցում: Բարի խորհուրդ Արգամիչին՝ շարունակեք լռել, այնքան լա՜վ եք «նայվում» այդպես: Իսկ եթե խոսեք, իրերն ու անձերը կոչեք իրենց անուններով: Էդպես ազնիվ է»: Առավել մանրամասն՝ թերթի այսօրվա համարում