«Քանի դեռ հայկական շահեր սպասարկողները որոշող չեն դարձել այս երկրում, ընտրելու եմ փողոցը»․ Հովհաննես Ավետիսյան
Պետական կառավարման մասնագետ Հովհաննես Ավետիսյանը ֆեյսբուքյան իր էջում գրել է․
«Գործերդ ոնց են, երբեմն ինձ հարցնում են: Չգիտեմ ինչ պատասխանեմ, ճշմարիտ պատասխանը անհավատալի է թվում: Ուղղակի ասում եմ՝ նորմալ:
Ոնց կարող են լինել այն մարդու գործերը, ով իր ժամանակի գերակշիռ մասը ծախսում է մեր պատմության ստորացման և վերացման էջերը մաքրելու վրա: Հա, իհարկե, անհնարին է կասեն շատերը, ահնարին է այս վիճակը շտկել աննշան մեկերի համար, հատկապես նրանց տեսանկյունից որոնք ծանոթ չեն գիտության ուժին: Անհնար է կասեն, կյանքդ մի վատնիր:
Անհնարինն էլ հենց ինձ գայթակղում է, կամ անհնարինը, կամ ոչինչ:
Առաջ մղող մոտիվը շատ պարզ է և դրանով իսկ անհավատալի. Չեմ ուզում իմ ապրած ժամանակահատվածը համընկնի Հայաստանի կործանման հետ, կորուստների և ձախողումների հետ. Եթե շատերն այս ընտրությունը անեին այսօր, ստիպված չէի լինի ժամանակս ծախսել «փողոցներում»՝ անկումը կանգնեցնելու վրա:
Եթե Հայաստանի ապագան ծախած չլինեին և շատերդ անտարբեր չլինեիք, այսօր ես լծված կլինեի մեր պետության կառուցման գործին. Այն գործին ինչի համար ինքս ինձ ստեղծել եմ երկու տասնյակ տարի:
Իսկ հիմա, ուղղակի փողոց, այնքան ժամանակ քանի դեռ հայկական շահեր սպասարկողները որոշող չեն դարձել այս երկրում, ընտրելու եմ փողոցը»:
Հետևեք մեզ Viber-ում
