Ձմռանը դեմքի մաշկը սթրեսի է ենթարկվում. ի՞նչ է անհրաժեշտ անել

Մաշկի ճիշտ խնամքն անհրաժեշտ է տարվա ցանկացած եղանակին, բայց հատկապես ձմռանն այն առավել կարևոր է դառնում, քանի որ ձմռանը մաշկը դառնում է ավելի զգայուն ձյան, քամու, ցրտի, չոր եղանակի և ջերմաստիճանի տատանումների նկատմամբ: Մաշկը խնամել հնարավոր է թե՛ տան պայմաններում և թե՛ մասնագիտացված տարբեր սրահներում:

Ձմռանը դեմքի մաշկը սթրեսի է ենթարկվում. սկզբում տան ջերմությունը, այնուհետև ձմեռայի ցուրտ օդը դրսում: Տարբեր մասնագետներ նշում են, որ չի կարելի լվացվել կամ խոնավեցնող կրեմներ օգտագործել տանից դուր գալուց առաջ. քամու ազդեցությամբ ջուրը գոլորշիանում է մաշկի վրայից, և այն ավելի է չորանում: Իսկ եթե մաշկն առանց այդ էլ չոր է, ապա դա կհանգեցնի մաշկի թեփոտության: Դրա համար անհրաժեշտ է լվացվել կամ խոնավեցնող կրեմներ օգտագործել տանից դուրս գալուց 1,5-2 ժամ առաջ:

Մասնագետների համոզմամբ՝ եղանակային փոփոխություններով պայմանավորված ձմռանը մաշկի մակերևույթին կուտակվում են մահացած բջիջներ, որոնց հետևանքով ոչ միայն մաշկը կորցնում է փայլն ու էլաստիկությունը, այլև խնամքի միջոցները չեն ներթափանցում մաշկ բավարար արդյունավետությամբ։

Նույն բանը տեղի է ունենում նաև շուրթերի հետ. դրանք կորցնում են իրենց էլաստիկությունը և փայլը, մաշկը չորանում է և ճաքճքում: Այդ իսկ պատճառով անհրաժեշտ է օգտագործել շուրթերի բալզամ, իսկ գիշերը հատուկ նյութերով խնամել դրանք: