Թրամփը նոր մաքսատուրքեր է փնտրում, արժեթղթերի շուկան անկում է ապրում
ԱՄՆ նախագահ Դոնալդ Թրամփը ապրիլի 2-ը հայտարարել է «Ազատագրման օր»։ Այդ օրվանից ուժի մեջ կմտնեն Կանադայից և Մեքսիկայից ներմուծման, ինչպես նաև ավտոմեքենաների մաքսատուրքերը։ Նա նաև կհայտարարի նոր սակագների ներդրման մասին, որոնք կարող են ազդել երկրների լայն շրջանակի վրա։ Այս գործողությունների ֆոնին ԱՄՆ արժեթղթերի շուկան լուրջ անկում է ապրում։ Այս մասին ասվում է «Իզվեստիա»-ի հոդվածում։
Bloomberg-ի հաղորդմամբ` նախագահ Թրամփը կհայտարարի պատասխան մաքսատուրքերի մասին։ Սպիտակ տան մամուլի քարտուղար Քերոլայն Լևիթն ասել է, որ հայտարարությունը կներառի մաքսատուրքեր՝ ըստ երկրների. «Նախագահը նույնպես «հանձնառու է իրականացնել» ոլորտային սակագները, սակայն դրանք չեն լինի պլանավորված միջոցառման առանցքը»:
«Նախագահը կհայտարարի սակագնային պլան, որը կվերացնի անարդար առևտրային պրակտիկան, որը թալանել է մեր երկիրը տասնամյակներ շարունակ»,- ասել է Լևիթը Սպիտակ տանը լրագրողներին։
Հետևեք մեզ Viber-ում
