Հայաստանի և Ռուսաստանի միջև գյուղմթերքի շրջանառությունն աճել է 16,2%-ով. Վոլվաչ

Ռուսաստանի և Հայաստանի միջև գյուղատնտեսական ապրանքների շրջանառությունը 2024 թվականին նախորդ տարվա համեմատ աճել է 16,2%-ով։ Հայ-ռուսական գործարար խորհրդի ընդլայնված նիստում այս մասին հայտարարել է ՌԴ տնտեսական զարգացման փոխնախարար Դմիտրի Վոլվաչը։

Նա նշել է, որ դեպի Հայաստան ռուսական արտադրանքի արտահանումն աճել է 9,7%-ով, ներմուծումը` 21,8%-ով։

«Ռուսաստանը շարունակում է Հայաստանի հիմնական գործընկեր երկիրը մնալ գյուղատնտեսական ապրանքների ներմուծման կառուցվածքում», – ընդգծել է փոխնախարարը։

Նա նշել է, որ գյուղատնտեսության ոլորտում փոխգործակցությունը հզոր շարժիչ է երկու երկրների միջև առևտրատնտեսական համագործակցության ամբողջ շրջանակի զարգացման համար։