Ձանձրանում եմ, կարա ՞մ գնամ նկարելու. «Սասնա ծուռ» Աշոտ Պետրոսյան
Էրեբունի եւ Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանը խորհրդակցական սենյակից վերադառնալուց հետո մերժեց Վարդգես Գեւորգյանի խափանման միջոցը փոխելու միջնորդությունը: Հայտարարությամբ հանդես եկավ «Սասնա ծռեր» խմբի անդամ Արմեն Լամբարյանը. «Եթե այստեղ հանցագործ կա, դա քննչական մարմինն ու դատախազությունն են, որ մինչ այդ ոչինչ չեն արել: Ժողովուրդն է մեզ տվել ապստամբելու իրավունք»: Իսկ դատավոր Արտուշ Գաբրիելյանը շարունակեց. «Լամբարյան, 4 ամիս է ոչ մի բան չէիր խոսում, նստեցիր Աշոտի (նախագահող դատավորը նկատի ուներ Աշոտ Պետրոսյանին) կողքը, դրանից է»: Մի որոշ ժամանակ անց գեղանկարիչ, «Սասնա ծռեր» խմբի անդամ Աշոտ Պետրոսյանը տեղից ասաց. «Ես ձանձրանում եմ, կարո՞ղ եմ գնալ նկարելու»: Դատավորը զգուշացում տվեց Աշոտ Պետրոսյանին:
Հետևեք մեզ Viber-ում
