«Հայաստանի թռչնաբուծությունում շատ տարածված են հորմոնալ կերերը, որոնք մարդու մոտ ուռուցքներ են առաջացնում». Հրաչ Բերբերյան

Ագրարագյուղացիական միավորման նախագահ Հրաչ Բերբերյանն այսօր լրագրողների հետ զրույցում հայտարարեց, որ բոլորս էլ ԳՄՕ-ով ցորեն ենք օգտագործում. «Դա ավելացնում են երշիկի, մայոնեզի, հրուշակեղենի մեջ, որի մասին դուք չգիտեք էլ։ Սոյան ԳՄՕ է, եգիպտացորենը ԳՄՕ է»։ Հարցին, թե ԳՄՕ պարունակող մթերքների օգտագործումից ուռուցքներ ե՞ն առաջանում, Բերբերյանն ասաց. «Ուռուցքներ առաջանում են ավելի շատ հորմոնալ կերերից, որոնք Հայաստանի թռչնաբուծությունում շատ տարածված են․հավի մսի մեջ համ չի մնացել։ Այդ հորմոնալ կերերը, այո, ուռուցքների խթանիչներ են։ ԳՄՕ-ն կապ չունի հորմոնալ կերի հետ։ Վերջինս չի լուծվում, անցնում է մկանային հյուսվածքի մեջ, այդպես էլ մենք ենք ուտում, մեր մկանային հյուսվածքի մեջ է անցնում»։