Լարված իրավիճակ ԱԺ-ում․ « Հիշեք՝ ինչ կարող էր լինել ձեզ հետ...» (video)
Հայկ Կոնջորյանը ընդդիմությանը կոչ է անում չայսահարվել ու դիվահարվել։
«ՏԻՄ ընտրությունների քարոզարշավ է, թեկնածուներ կան, որ լափառոշ բերանները մինչև Բագրատաշենի անցակետ բացել են, ձեր ժամանակ կարո՞ղ էր նման բան լինել»,- ԱԺ-ում այս մասին հայտարարեց նա։
Կոնջորյանի խոսքով՝ ընդդիմադիրները «ընկել են» սրբազանների հետևից։
«Ձեր սրբազաններից մեկը, որ համարձակվել էր «Երկիր մեդիա»-ով Ռոբերտ Քոչարյանի մասին թարս բան ասել, եթե չեք տվել, ընկե՞լ եք սրբազանների հետևից, ի՞նչ եք արել, պահանջում եմ հրապարակել Սրբազանի սուրբ հարցազրույցը»,- ասաց նա։
ՔՊ-ականը նշեց, թե այն ժամանակ, երբ ընդդիմությունն էր իշխանության, ոչ թե «կփռեին ասֆալտին, այլ ասֆալտը կփռեին մարդկանց վրա»։
Դիմելով Հովիկ Աղազարյանին՝ Կոնջորյանն նշեց, թե նա ընդդիմության համար տաշեղ է, ուզում են մտցնել կրակի մեջ, որ բոցավառվի։
«Դա էլ այն կրակն է, որով նրանք ուզում են Հայաստանի ինքնիշխանությունն ու անկախությունը հրդեհել»,- նշեց նա։
Հետևեք մեզ Viber-ում
