«Вопрос на миллион» ի՞նչ է զիջել Ադրբեջանը

ԱԺ-ում կառավարության հետ հարցուպատասխանի ժամանակ Աննա Գրիգորյանը թվարկեց այն զիջումները, որոնք արել է Հայաստանը, հույս հայտնելով, որ Փաշինյանը կներկայացնի գոնե մեկ զիջում, որ արել է ադրբեջանական կողմը։

«Առաջինը, 2020 թվականին նոյեմբերի 9-ից հետո, դեկտեմբերի 17-ին ձեր հրամանով Վաղարշակ Հարությունյանի կողմից ստորագրվում է մի փաստաթուղթ, որը մինչև այսօր նույնիսկ համարվում է պետական գաղտնիք, գաղտնիք՝ սեփական ժողովրդից, որովհետև մնացած բոլորը գիտեն դրա մասին։ Այն չի հրապարակվել մինչև այսօր։
Այդ փաստաթղթով զորքերը մինչև 20 կիլոմետր հետ են քաշվել, որի արդյունքում մենք լրջագույն անվտանգային խնդիրներ ենք ունեցել, հատկապես Սյունիքի սահմանի երկայնքով։
Հանձնվել է Գորիս-Կապան ճանապարհը։ Հիշու՞մ եք, այդ ժամանակ ադրբեջանցիները նույնիսկ GPS-ով գալիս էին, ասում էին՝ մեր հենակետը այստեղ պետք լինի, ու կանգնում էին, ու դիմացից որևէ մեկը չկար, որ արձագանքեր։
Զիջվել է Կապան ճակատեն ճանապարհը, Տավուշում առանց սահմանազատման բուն գործընթացը սկսելու և կանոնակարգի հաստատման ՝ զիջվել են տարածքներ, որոնք անցել են ադրբեջանական վերահսկողության ներքո և դրա փոխարեն գոնե մեկ քառակուսի կիլոմետր Հայաստանի Հանրապետության սուվերեն տարածքներ չի դեոկուպացվել։
Բանակցությունների ընթացքում կար առաջարկ վեճերի լուծման համար մեխանիզմ ստեղծելու։ Ադրբեջանը հրաժարվել է և հետևաբար դա դուրս է մղվել բանակցային գործընթացից։ շարժում։

Արցախը ճանաչեցիք Ադրբեջանի կազմում, ասելով, որ կստանաք Հայաստանի Հանրապետության տարածքային ամբողջականության մասին երաշխիքներ, մինչև այսօր չեք ստացել։ Ավելին, Արցախի ժողովրդի իրավունքների մասին էիք խոսում, նույնիսկ 2022 թվականից հետո, բայց այսօր Արցախի ժողովրդի վերադարձի իրավունքի, գույքային իրավունքի որևէ իրավունքի մասին որևէ քննարկում չկա։ Զիջում չի՞ սա, իհարկե զիջում է։
Մինսկի խումբը, երրորդ ուժի ներկայացուցիչների տեղակայումը։
Ինչպես ասում են՝ «Вопрос на миллион» ի՞նչ է զիջել Ադրբեջանը», -եզրափակեց պատգամավորը։