Եթե կա մարդ, ում վերագրվում է որոշակի դեղեր խմելը, ապա դա դուք եք. Աննա Գրիգորյանը՝ Փաշինյանին

Ձեզ համար շատ նորություն կլինի, որ այս երկրում, եթե մի մարդ կա, ում վերագրվում է որոշակի դեղեր խմելը, ապա դա դուք եք, կոռեկտ արտահայտվեք։ Այս մասին ԱԺ-ում կառավարության հետ հարցուպատասխանի ժամանակ ասաց «Հայաստան» խմբակցության պատգամավոր Աննա Գրիգորյանը։

«Միակ բանը, որ կարողանում ենք խմել այստեղ ջուրն է։

Հաջորդը, այդ եթե ձեր իշխանության յոթերորդ տարում դուք նոր սկսել եք կրթվել, դա դեռ չի նշանակում, որ դուք կարող եք մեղադրել ինձ կամ մի ամբողջ ժողովրդի, որ դեմ է, որ դուք գնաք ստորագրեք մի փաստաթուղթ, որի մասին որևէ մեկը տեղյակ չի։ Կրկնում եմ, ինչպես դուք եք ասել, դուք ընդամենը տեղապահն եք։ Հայտնեք իրական իշխանությանը, ինչ է տեղի ունեցել։

Ես իհարկե կարող եմ շարունակել խոսել նրա մասին, թե ինչ զիջումներ եք դուք իրականացնել, ու դուք ինքներդ շատ լավ գիտեք, որ այդ ցանկն անվերջ է։ Դուք շատ լավ գիտեք, թե նոյեմբերի 9-ից հետո դեկտեմբերի 17-ի հրամանը ինչպես է ձևավորվել։ Ես պե՞տք է ձեզ հիշեցնեմ, որ այդ նույն հատվածը, որ ասում եք շատ անվտանգ է՝ իրականում անվտանգ չի եղել, Ներքին Հանդում առաջխաղացում է եղել, կրակոցներ է եղել, Սև լճում նոր տարածքների գրավում է եղել։ Ես հիշեցնեմ այն ողբերգական ու ամոթալի տեսարանները, երբ ադրբեջանցիները գալիս էին ու իրենց ընդամենը մի հովիվն էր դիմավորում։ Դուք ընդհանրապես խաղաղության մասին չեք մտածում, բացառապես թղթի մասին եք մտածում, որի վրա միգուցե խաղաղություն բառը կլինի, բայց ընդամենը ձեր համար այն վերարտադրման իրական նշանակություն կունենա»,-հայտարարեց Աննա Գրիգորյանը։

Փաշինյանն էլ պատասխանեց, որ դեղ խմելու մեջ ամոթ բան չկա։