Պատերազմի վտանգը միշտ էլ կա․ Ռուբեն Ռուբինյան

Պատերազմի վտանգ կա, պատերազմի առիթ և հիմք չկա: Այս մասին ԱԺ-ում լրագրողների հետ զրույցում հայտարարեց ԱԺ փոխնախագահ Ռուբեն Ռուբինյանը։

«Չենք ասի, որ վտանգն ավելի շատ է, քան՝ երեկ, բայց վտանգը կա, քանի դեռ խաղաղության գործընթացը չի հասել իր ավարտին»,- ասաց նա։

Ռուբինյանը նշեց, որ Հայաստանը շարունակում է գնալ խաղաղության ուղղությամբ։

Հարցին, թե արյո՞ք Բաքուն փորձում է նման միջոցներով ճնշել Հայաստանին, որպեսզի իրենց պայմաններով խաղաղության համաձայնագիրը ստորագրվի, ՔՊ–ական պատգամավորը պատասխանեց․ «Չեմ ուզում քաղաքագիտական վերլուծության մեջ գնալ։ 

Բայց մենք շարժվում ենք խաղաղության ուղղությամբ, սա է պատճառը, որ մեր ջանքերով խաղաղության համաձայնագրի տեքստը համաձայնեցված է, սպասում է ստորագրմանը»։