Ստամբուլի քաղաքապետի ձերբակալությունից հետո Թուրքիայի ԿԲ–ն ստիպված 25 միլիարդ դոլար է վաճառքի հանել

Թուրքիայի Կենտրոնական բանկը հայտնել է Ստամբուլի քաղաքապետի ձերբակալությունից հետո երեք օրվա ընթացքում վաճառքի հանած արտարժույթի չափը։

Թուրքական Cumhuriyet–ի փոխանցմամբ՝ Թուրքիայի ԿԲ–ն արտասահմանյան ներդրողների հետ հաղորդակցության ժամանակ հայտնել է, որ Ստամբուլի քաղաքապետի ձերբակալման օրը լիրայի կտրուկ արժեզրկումը կանխելու համար 10 միլիրադ դոլար է շուկա հանել, հաջորդ օրը՝ 3 միլիարդ, երրորդ օրը՝ 12 միլիարդ։ Այսինքն միայն առաջին երեք օրվա մեջ 25 միլիարդ դոլար է վաճառվել, սակայն լիրայի անկումը չի հաջողվել կանխել։ Թուրքական լիրան բոլոր ժամանկների ամենացածր ցուցանիշի վրա է գտնվում։

Նշենք, որ մարտի 19–ի առավոտյան ոստիկանները կաշառակերության եւ հանցավոր խմբավորում ղեկավարելու մեղադրանքով ձերբակալել են Ստամբուլի քաղաքապետ Էքրեմ Իմամօղլուին եւ այլ պաշտոնյաների, թվով 90 հոգի։