Օրակարգում երկու պատգամավորի անձեռնմխելիության հարց կա
Ազգային ժողովն այսօր սկսում է հերթական քառօրյա նիստերը, որի օրակարգում ընդգրկված է 21 հարց:
Օրակարգում են Կառավարության 2024 թ-ի բյուջեի կատարողականի քննարկումը, անկախ պատգամավոր Հովիկ Աղազարյանի ու «Պատիվ ունեմ» խմբակցության պատգամավոր Տարոն Մարգարյանի նկատմամբ քրեական հետապնդում հարուցելուն համաձայնություն տալու մասին հարցերը, «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծի քննարկումը։
Այս նախագծի երկրորդ ընթերցմամբ քննարկումը նախատեսված է մարտի 26-ին՝ հերթական նիստերի չորեքշաբթի օրվա առաջին հիմնական նիստում։
Օրակարգում են նաև մասնավորապես, հետևյալ հարցերը.
- «Ազգային ժողովի կանոնակարգ» սահմանադրական օրենքի 40-րդ հոդվածի 3-րդ մասի 1-ին կետի համաձայն` «Հայաստան» խմբակցության կողմից արտահերթ համարված «Պետական կենսաթոշակների մասին» օրենքում լրացումներ կատարելու մաuին օրենքի նախագիծը (այն կքննարկվի մարտի 25-ին՝ հերթական նիստերի երեքշաբթի օրվա երկրորդ հիմնական նիստում):
- Կոռուպցիայի կանխարգելման հանձնաժողովի անդամի ընտրության հարցը,
- Հաշվեքննիչ պալատի անդամի ընտրության հարցը:
Հետևեք մեզ Viber-ում
