Հերթով ասեմ՝ ինչ ես զիջել հանուն աթոռիդ. Շարմազանով

Դու ոչ միայն զիջել ես,այլ նաեւ հանձնել ես ՀՀ երբեմնի անկախությունը թուրք-ադրբեջանական ուժերին՝ իր ֆեյսբուքյան էջում գրել է ՀՀԿ ԳՄ անդամ Էդուարդ Շարմազանովը՝ շարունակելով.

Ի՞նչ ես զիջել,հերթով ասեմ …
Նիկոլ ,12.000 քառ կմ Արցախ ես զիջել։
120.000 հայ մարդու տուն ու գերեզման ես զիջել։
5.000 կյանքեր ես զիջել։
12.000 վիրավոր ես զիջել։
Հարյուրավոր վանքեր ես զիջել։
100-ից ավել հայկական գյուղ ու քաղաք ես զիջել։
Շուշի ու Դադիվանք ,Ամարաս ու Գանձասար ես զիջել։
Գորիս-Կապան միջպետական ճանապարհ ես զիջել։
Սեւ լճի մի մասն ես զիջել։

Տավուշի 4 գյուղն ես զիջել։
ՀՀ ինքնիշխան տարածքի առնվազն 240 քառ.կմ տարածք ես զիջել։
Արցախի ռազմա-քաղաքական ղեկավարությանն ես զիջել Բաքվին։
Ու դեռ զիջում ու զիջում ես։
Իսկ ամենակարեւորը՝ մեր ազգի նամուսն ու թասիբն ես զիջել։
Արժանապատվությունն ես զիջել։
Արարատի խորհուրդն ես զիջել։

Անկախության հռչակագրի բովանդակությունն ես զիջել։
Հայի հիշողությունն ես զիջել։
Մեր պատմությունն ես զիջել։
Տո ,ամեն բան ես զիջել,
հանուն աթոռիդ։
Դու չէի՞ր նախկինների ազատագրած Շուշիում տրնգի պարում։
Բա հիմա էլ պարի…
Չես կարող…քանի որ զիջել ես քո համոզմունքը՝ դառնալով Ադրբեջանի ու Թուրքիայի շահերի պաշտպանը։