Մենք կունենանք այլևս ինստիտուցիոնալ խաղաղություն և կայունություն

Մենք ժամանակ առ ժամանակ տեսել ենք և դիտարկել ենք Հայաստանի սահմանի երկայնքում Ադրբեջանի կողմից երրորդ ուժի ներկայացուցիչներ, դրոշներ։ Այս մասին Հանրային հեռուստաընկերությանը տված հարցազրույցում ասել է վարչապետ Նիկոլ Փաշինյանը։

«Եվրամիության դիտորդական առաքելությանը Հայաստան հրավիրել է մեր կառավարությունը, ես եմ հրավիրել, և ես շնորհակալ եմ նրանց մեր այդ հրավերին արձագանքելու համար։ Բայց մյուս կողմից պետք է մենք նպատակից գանք, ի՞նչ նպատակով ենք մենք Եվրամիության դիտորդներին հրավիրել Հայաստան տեղակայվելու Հայաստան-Ադրբեջան սահմանի երկայնքով․ կայունության և ինչ-որ առումով՝ խաղաղության միջոց և գործոն լինելու համար։

Եվ հիմա ես ուզում եմ ուշադրությունը մեր հրավիրեմ, որ երրորդ կողմերի ներկայացուցիչների ներկայության մասին դրույթը ուժի մեջ է մտնելու Խղաղության պայմանագրի ստորագրումից և վավերացումից հետո։ Այսինքն, մինչև այդ կետը որևէ խոչընդոտ չկա, որ Եվրամիության դիտորդները աշխատեն։

Եթե մենք այդ համաձայնագրի ստորագրման արդյունքում ստանում ենք մեր սահմաններին խաղաղության և կայունության ավելի ուժեղ գործոն, ավելի հուսալի գործոն՝ շատ անտրամաբանական կլիներ, եթե մենք երկարաժամկետ, ինստիտուցիոնալ խաղաղությունը չնախընտրեինք և նախընտրեինք միջանկյալ գործոնը, որը շատ կարևոր գործոն է։
Երբ ստորագրվի խաղաղության համաձայնագիրը՝ մենք կունենանք այլևս ինստիտուցիոնալ խաղաղություն և կայունություն, և այդ պայմաններում Եվրամիության մեր հարգելի դիտորդներին կարող ենք կամ նեղություն չտալ կամ ավելի պակաս նեղություն տալ»։