Ի՞նչ են առաջարկում «Հանուն գիտության զարգացման» նախաձեռնության անդամները

«Հանուն գիտության զարգացման» նախաձեռնության անդամ Դավիթ Պետրոսյանն այսօր նշեց, որ նախաձեռնությունը մեծ առումով հաջողել է, որովհետև ուսանողները լսելի են դարձել:«Սկզբնական հատվածում ուսանողների նկատմամբ այսպիսի վերաբերմունքը բացակայում էր, բայց այսօր, շնորհիվ ուսանողների, մենք նաև 100-ավոր գիտնականների, քաղաքացիական հասարակության ձայնն ենք բարձացնում։ Մեր բարձրաձայնած խնդիրների մասին ի պաշտոնե պարտավոր էին խոսել շատ ինստիտուտներ և ուսանողական կառույցներ, բայց չէին խոսում ու մինչև այսօր պաշտոնական դիրքորոշում չկարողացան հայտնել։ Թողեցին ամեն ինչ այնպես, ինչեպս կար, որ գլխացավի մեջ չընկնեն», - նշեց նա։ Դավիթ Պետրոսյանը նաև ընդգծեց, որ մինչև կլոր սեղան-քննարկմանը գալը, շատերը փորձել են կուլիսային ճնշումներ իրականացնել շարժման մասնակցիների նկատմամբ, այնուհետև դժգոհեց, որ օրինագծի երկրորդ ընթերցումից առաջ ՀՀ ԱԺ պաշտպանության հանձնաժողովում կազմակերպված նիստը հետաձգվեց և իրենց այդպես էլ պատճառների մասին տեղյակ չպահվեց։ Նախաձեռնության անդամ Սարգիս Բալդարյանն էլ ներկայացրեց իրենց առաջարկները: Նրա խոսքով` տարկետման այնպիսի ճկուն համակարգ պետք է գործի, որ ապահովվի կրթության անընդհատությունը և բացառի զինծայռայությունից խուսափելու բոլոր ուղիները: «Կառավարություն է ներկայացվել մի ուշագրավ առաջարկ, որ նաև ՊՆ և ԿԳՆ է ներկայացվել, որպեսզի կառավարության կողմից ստեղծվի հանձնաժողով, որ կքննի գիտակրթական հաստատություններից ստացած հիմնավորումները և այդ անձանց անձնական տվյալների հիման վրա կկայացնի որոշում: Սա վերաբերում է սահմանափակ թվով տեղերի հատկացմանը շնորհալի երիտասարդների համար»: Ուսանողներն առաջարկում են մշակել տարկետման իրավունքի ճկուն քաղաքականություն, որը հնարավորություն կտա ապահովելու ՀՀ գիտական և կրթական համակարգի կայուն զարգացումը, սահմանափակ թվով շնորհալի երիտասարդների ուսումնառության անընդհատությունը, միաժամանակ նաև բոլոր կոռուպցիոն երևույթների չեզոքացումը: Այդ նպատակով տարկետման իրավունքի տրամադրման հիմքում դրվում են որոշակի սկզբունքներ` գիտական ուղղության գերակայութոււնը, տվայլ բնագավառում լրացուցիչ կադրերի անհրաժեշտությունը: Նրա խոսքով` տարկետումից ազատվելու հավակնորդների ցուցակը` հիմնավորումներով, պետք է հրապարակվի կառավարության որոշումից առնվազն 1 ամիս առաջ, թեկնածուական ատենախոսություն պաշտպանած երիտասարդի հետ կնքվելիք պայմանագրով պետք է սահմանվի, որ նա առնվազն 5 տարի պետք է աշխատի այն գիտական հաստատությունում, որը երաշխավորել է նրան տարկետման համար.