ԱՄՆ-ի նախագահ Դոնալդ Թրամփը հեռախոսազրույց է ունեցել Ռուսաստանի ղեկավար Վլադիմիր Պուտինի հետ, հաղորդում է Սպիտակ տունը: Առանց մանրամասներ հայտնելու, Սպիտակ տան ներկայացուցիչն ասել է, որ զրույցի ընթացքում, որը տեւել է շուրջ մեկ ժամ, քննարկվել են արտաքին ոլորտին վերաբերող մի շարք հարցեր:
Վերլուծաբանների կարծիքով, հավանաբար քննարկվել են Սիրիայի ապագա ճակատագիրը եւ Հյուսիսային Կորեայի ճգնաժամի կարգավորման ուղիները: Հիշեցնենք, Վլադիմիր Պուտինը երկուշաբթի զրուցել է իր գործընկեր, Սիրիայի ղեկավար Բաշար Ալ Ասադի հետ:
————–
Պուտինն ազդարարում է Սիրիայում ռազմական գործողությունների ավարտը
Սիրիան և Ռուսաստանը տեղեկացնում են, որ Սոչիում տեղի է ունեցել նախագահներ Վլադիմիր Պուտինի ու Բաշար ալ Ասադի հանդիպումը, որտեղ առաջնորդները քննարկել են սիրիական հակամարտության քաղաքական կարգավորման հետ կապված հարցեր:
Կրեմլի աղբյուրներն ու սիրիական SANA լրատվական գործակալությունը հաղորդում են, որ նախագահ Պուտինը հայտարարել է, որ Սիրիայում ռազմական գործողությունները մոտենում են ավարտին և շնորհավորել նախագահ Ասադին՝ ահաբեկչության դեմ հաջող պայքար մղելու համար:
Ասադը վերջին անգամ ժամանել էր Մոսկվա 2 տարի առաջ, երբ ռուսական զորքերը սկսեցին ռազմական գործողություններ վարել Սիրիայում, ինչն օգնեց Ասադին փոխելու ռազմական գործողությունների ընթացքը:
Հայտնի է, որ նախագահ Պուտինը հեռախոսազրույց է ունեցել ԱՄՆ-ի նախագահ Դոնալդ Թրամփի հետ երեքշաբթի օրը, որի ընթացքում քննարկվել է սիրիական հակամարտությունը: Պուտինը նախատեսում է Սիրիայի ճգնաժամը քննարկել նաև Քաթարի էմիր շեյխ Թամիմ բին Համադ ալ Թուանիի հետ:
Բացի այդ, չորեքշաբթի օրը նախագահ Պուտինը Սոչիում կհյուրընկալի Թուրքիայի նախագահ Ռեջեփ Էրդողանին և Իրանի նախագահ Հասան Ռոհանիին եռակողմ գագաթաժողովի համար, որտեղ սիրիական հակամարտությունը կլինի քննարկվող հիմնական թեմաներից մեկը:
Իսկ այդ ընթացքում Ժնևում նոյեմբերի 28-ին նախատեսված են ՄԱԿ-ի հովանու ներքո առանձին խաղաղ բանակցություններ:
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը
Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հետևեք մեզ Viber-ում
