Եթե սա ճիշտ է, ուրեմն պաշտոնական Երևանն ընկրկեց Բաքվի բոլոր պահանջների առջև․ Խաչատրյանը՝ Բայրամովի հայտարարության մասին

Եթե սա ճիշտ է, ուրեմն պաշտոնական Երևանն ընկրկեց Բաքվի բոլոր պահանջների առջև։ Կարծում եմ, որ մյուս կետը վերաբերվում է միջանցքին (Հայաստանի տարածքով ադրբեջանցիների անարգել երթևեկությանը) կամ հայցերի հետ քաշմանը։ Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Ադրբեջանի ԱԳ նախարարի հայտարարությանը, թե Ադրբեջանն ու Հայաստանը ավարտել են խաղաղության համաձայնագրի բանակցությունները, Հայաստանն ընդունել է ադրբեջանական կողմի առաջարկները համաձայնագրի վերջին երկու չհամաձայնեցված կետերի վերաբերյալ։

«Իհարկե Փաշինյանը սա կհիմնավորի խաղաղություն հաստատելու իր ցանկությամբ ու դեռ մի բան էլ կփորձի համոզել, որ միջանցքը Հայաստանին միայն օգուտ է, իսկ հայցերը՝ միայն վնաս»,- գրել է նա։