Նիկոլ Փաշինյան, գնա Դիլիջան ու տես

Լրագրող Ոսկան Սարգսյանի ֆեյսբուքյան գրառումը.

Նիկոլ Փաշինյանը կառավարության նիստում զայրացել է, որ համայնքներում հողերը ձևական աճուրդներով, շուկայականից շատ էժան գներով են օտարում , նշելով․ <<«Ձևական աճուրդը հիմք է վերանայման ու պետք է ժամանակ ու էներգիա ծախսենք, գնանք և ձևական բոլոր աճուրդները գտնենք: Սա շատ վատ ազդակ է, մենակ հանձնարարությունով չէ, դեռ հանձնարարությունների կատարման որակը դնում եմ մի կողմ: Եթե հնչում է քաղաքական հայտարարություն, պետք է գործողությունները կառավարման համակարգի համադրվեն այդ քաղաքական հայտարարության հետ: Եթե չի համապատասխանում, վաղը, մյուս օրը պրոբլեմ է առաջանալու, և ես այդ պրոբլեմն ամենասուր ձևով դնելու եմ, ուզում եմ սա հաշվի առնեք: Որտեղ ծիծաղելու գնով հողեր են դրված վաճառքի, հրապարակային ասում եմ՝ կանգնեցրե՛ք, եթե չկանգնեցնեն համայնքները, չգիտեմ՝ ոնց կհնչի, համայնքների հետևից ենք ընկնելու: Գնալու ենք տեսնենք՝ ինչ է տեղի ունեցել այդտեղ: Սա հրատապ է: ՏԿԵ նախարարի գլխավորությամբ աշխատանքային խումբ ստեղծեք, թող մաքսիմում մեկ ամսվա ըթնացքում տան առաջարկ»։
Նիկոլ Փաշինյան, ձևական աճուրդները գտնելու կարիք չկա, ես այդ մասին տասնյակ հրապարակումներ ունեմ; Գնացեք Դիլիջան ու տեսեք, թե Դիլիջանի ՔՊ-ական համայնքապետ Դավիթ Սարգսյանը ձևական աճուրդներով, շատ էժան գներով որքան հողեր է վաճառել Երևանի, Վանաձորի, Իջևանի ու այլ քաղաքների բնակիչներին։ Նիկոլ Փաշինյան , քո կառավարության բարձրաստիճան պաշտոնյան այժմ Դիլիջանում միանգամից 2 օբյեկտ է կառուցում, չգիտե՞ս։