Արամը զանգել է Հովիկ Աղազարյանին.ըստ ցուցմունքի, 23․000 դոլար կաշառք է վերցրել
Գլխավոր դատախազությունը միջնորդություն է ներկայացրել ԱԺ նախագահ Ալեն Սիմոնյանին՝ Հովիկ Աղազարյանի նկատմամաբ քրեական հետապնդում հարուցելու մասին։ ԱԺ նախագահը տվել է համաձայնություն։
Աննա Վարդապետյանի կողմից ներկայացված միջնորդության փաստաթղթում, մասնավորապես, նշվում է «Գոհար Սարգսյանը ցուցմունք է տվել այն մասին, որ Արամը իր մոտ ընկերուհի Ռուզաննայի եղբայրն է։ Արամից տեղեկացել է, որ կան ներդրողներ և ցանկանում են կառուցել շենք։ Արամը ծանոթացել է Հովիկ Աղազարյանի հետ և այդ հարցով դիմել նրան, սակայն Հովիկ Աղազարյանը նրան խաբել է, վերցրել է 23 000 ԱՄՆ դոլար գումար շենքի կառուցման շինթույլտվություն տալու հարցը լուծելու համար, սակայն այդ գործընթացն էլ ձգձգել է, իսկ այն անձինք, որոնք այդ գումարը տվել են Արամին, պահանջել են վերադարձնել։
Իր ներկայությամբ Արամը զանգել է Հովիկ Աղազարյանին և կայացած զրույցի ընթացքում վերջինս չի հերքել, որ գումարները վերցրել է, սակայն հայտնել է, որ գումար չունի որպեսզի վերադարձնի, կարող է ինքը խոսել այն մարդկանց հետ, որոնք Արամին գումար են տվել։ Գոհար Սարգսյանը հայտնել է նաև, որ այդ մասին պատմել է իր ծանոթ Հայկ Նազարյանին և նրան ծանոթացրել Արամի հետ։
Դրանից հետո Հայկ Նազարյանի նախաձեռնությամբ ինքն ու Արամը հանդիպել են Հովիկ Աղազարյանին, հանդիպմանը ներկա են եղել նաև անծանոթ մարդիկ։ Հանդիպման ընթացքում Հովիկ Աղազարյանը վիճաբանել է, որպիսի թույլ չտա՝ իրենց մոտ առկա ձայնագրությունները ներկայացնեն։
Դրանից հետո ինքը վիճել է Արամի և նրա քրոջ հետ և այդ օրվանից Արամից ոչ մի տեղեկություն չունի։ Հավելել է, որ ըստ Արամի, Հովիկ Աղազարյանը հանդիպել է Արամին գումար տված անձանցից մեկին և գրել ստացական այն մասին, որ վերցրել է 8 000 ԱՄՆ դոլար, որը պարտավորվում է վերադարձնել։ Նշել է նաև, որ Արամն իրեն ուղարկել է Հովիկ Աղազարյանի հետ ունեցած հեռախոսային խոսակցությունների ձայնագրությունները, որոնք ինքն ուղարկել է Հայկ Նազարյանին։
Հայտնաբերված ձայնագրություններից եզրակացնում ենք, որ Աղազարյանը խոստովանում է, որ գումար է վերցրել և հետ տալ չի պատրաստվում։ Նա համոզել է Արամ Մկրտչյանին Քաղաքաշինության կոմիտեի նամակը հետ վերցնել և պատճառաբանել է, որ «ֆինանսական բաների պատճառով հրաժարվում եմ պռոեկտից»։
Հարկ է նշել, որ Արամ Մկրտչյանը 2024 թվականին լքել է երկիրը։
Հետևեք մեզ Viber-ում
