Գյումրվա ժամանակակից Էրքյուլ Պուարոն Սահակ Մինասյանն է

Քաղաքագետ Գագիկ Համբարյանը Ֆեյսբուքի իր էջում գրում է․ «Շիրակի պետհամալսարանի ռեկտոր, «դավադրությունների տեսության» սիրահար Սահակ Մինասյանը «կոլխոզնիկների,սովխոզնիկների և պրոլետարիատի բազմաթիվ ներկայացուցիչների խնդրանքով» այսօր կրկին մամլո ասուլիս էր հրավիրել: Միամիտ մամլո ասուլիսների սույն սիրահարի զավեշտալի «բացահատումներն» ուղղակի ծիծաղելի են: Սեփական հանցագործությունները մեղմելու նպատակով, «խելացի դեմք» ընդունելով` Սահակ Մինասյանը հիմա էլ հայտարարում է,որ,նախ մենք պատվեր ենք կատարում՝ չնշելով մեր պատվիրատուի անունը և երկար տարիներ փաստեր ենք հավաքել նաև նախկին ռեկտորի դեմ,իսկ բուհի խնդիրներն էլ 5-6 տարվա վաղեմություն ունեն: Հատուկ նշեմ,որ բացարձակապես կրկնվելու նպատակ չունեմ և չեմ էլ անդրադառնա Սահակ Մինասյանի զազրախոսություններին,քանի որ բազմիցս ապացույցներով անդրադարձել եմ դրանց և բազմիցս բացահայտել եմ ռեկտորի ստախոսությունները: Նախ,ամեն մարդ իր արշինով է չափում դիմացինին: Եթե Սահակ Մինասյանին ոմանք օգտագործել են և մինչև հիմա օգտագործում են,ապա դա չի նշանակում, որ մեզ էլ կարող են օգտագործել: Սահակ Մինասյանը շատ լավ գիտի,թե ինչն էր այս ամենի պատճառը: Եթե ցանկություն ունի, ապա կհանրայնացնեմ: Մեր կողմից բարձրաձայնած բոլորը խնդիրները վերաբերում են վերջին մի քանի ամիսներին: Ի՞նչ 5-6 տարվա մասին է խոսում Սահակ Մինայանը: 5-6 տարի առաջ բուհում ոչ ոք ինտեգրված ուսուցում չէր փորձել կիրառել,50 տոկոսով չէր կրճատում,այսպես կոչված, թերբեռնված կուրսերի լսարանային ժամերը,չէր ոչնչացնում համալսարանի գրադարանային ֆոնդի կեսից ավելին,չէր փորձում չեղարկել ուսանողների վարձավճարների զեղչերը և առանց ամոթի, հիմա մամլո ասուլիս տալով, հայտարարում,որ այդ խնդիրը շինծու են եղել,առանց լիցենզիաների մասնագիտություններ չէր բացի և այլ ապօրինություններ ու հանցագործություններ չէր անի,որոնց մասին մենք բազմիցս բարձրաձայնել ենք: Ի դեպ,այդ ապօրինությունների և հանցագործությունների մասին բարձրաձայնում է նաև պարոն Մինասյանի մտերիմ ընկերը՝ԿԳ նախարար Լևոն Մկրտչյանը,ով այդ ամենը անվանում է «թերություններ»: Հետաքրքիր է,ի՞նչ կապ ունի այս ամենը 5-6 տարի առաջվա հետ,որի մասին ,ի դեպ,երևի լավատեղյակ են ռեկտորը և իր յուրայինները,քանի որ մենք չգիտենք,թե ինչ է տեղի ունեցել բուհում այդ ժամանակ: Ծիծաղելին այն է,որ Ագաթա Քրիստիի ստեղծած գրական հերոս՝դետեկտիվ Էրքյուլ Պուարոյի «շապիկը հագած» Սահակ Մինասյանն այնքան դիլետանտ է,որ շատ արագ բացահայտում է սեփական պրիմիտիվությունը: Հիմա էլ Սահակ Մինասյանը փորձում է «պաշտպանել» նախկին ռեկտորին,որին մինչ այդ մեղադրում էր նախկինում կատարված «հանցանքների»  մեջ,իսկ հիմա ինչ-որ անանուն մեկին է մեղադրում դրանց մեջ: Սահակ Մինասյանի այս պրիմիտիվ խաղը հատուկ նպատակ ունի.իբրև թե պաշտպանելով նախկին ռեկտորին` փորձում է ապացուցել,որ վերջինս լավ չի աշխատել,եթե նրա օրոք ապօրինություններ են եղել: Գյումրվա ժամանակակից դետեկտիվ Էրքյուլ Պուարո-Սահակ Մինասյանի հագին շատ մեծ է Ագաթա Քրիստիի գրական հերոսի շապիկը: Վերջինս այսքան պրիմիտիվ չի եղել իր հաշվարկներում: Կամ էլ Սահակ Մինասյանը այս թատերական ներկայացումը կազմակերպել էր լրագրողների և իր երկրպագուների համար: Իսկ եթե նա իրոք մեղավորներին գիտի,ապա կառաջարկեմ Սահակ Մինասյանին դինել համապատասխան մարմիններին հետաքննություն անցկացնելու համար…Դա մեզ բացարձակ չի կաշկանդում և դա մեր խնդիրը չէ: Պարոն Մինասյանը միտումնավոր է «5-6 տարվա խնդիրների մասին» խոսում՝ ևս մեկ նպատակ հետապնդելով՝ շեղել մեզ և ձևավորել կեղծ օրակագ: Այդ բանը նրա մոտ ևս չի ստացվի: Չգիտեմ,թե ովքեր են այս մամլո ասուլիսի «հեղինակները», բայց կասեմ,որ ձեր հաճախորդին շատ վատ վիճակում եք կրկին դրել: Ինչ-որ ակնարկներ է անում և անուններ չի տալիս: Սա պատիվ չի բերում ոչ մեկին և տղամարդուն վայել չէ:  «Մամլո ասուլիսի» ժամանակ հնչած անհոդաբաշխ և մեկը մյուսին հակասող մտքերին չեմ անդրադառնա,քանի որ բազմիցս անդրադարձել եմ դրանց բոլորին՝բավական մանրամասն և ապացույցներով:  Սահակ Մինասյանը մեզ պատվեր կատարողներ անվանելով` չի բացահայտում,թե ո՞վ է իրեն պատվիրել անցնել հարձակման,որը բավական վատ և անորակ ստացվեց ՀՀԿ-ի պաշտպանությունը ՏԻՄ ընտրություններում առուծախի առարկա դարձրած Սահակ Մինասյանի մոտ: Երևի փորձում է այս քայլով նաև շեղել ՀՀԿ վերնախավի ուշադրությունը այն խայտառակությունների վերաբերյալ,որոնք բացահայտվեցին նոյեմբերի 5-ին ՏԻՄ ընտրությունների ժամանակ,երբ Շիրակի մարզում ՀՀԿ-ն խայտառակ պարտություն կրեց,որը Սահակ Մինասյանը բնութագրեց որպես հաղթանակ,որը տոնել է ՀՀԿ-ի կոալիցիոն գործընկերը: Հետաքրքիր է,իսկ եթե ՀՅԴ-ն դուրս գա կոալիցիայից,ապա ինչպես է՞ ՀՅԴ-ի այդ նույն հաղթանակը մեկնաբանելու ՀՀԿ-ի մարզային կառույցի ղեկավարը: ՀՀԿ-ի հաղթանակած տեղում էլ Սահակ Մինասյանը հանդես է եկել ՀՀԿ-ի կողմից պաշտոնապես առաջադրված թեկնածուի դեմ: Ի դեպ,քանի որ Սահակ Մինասյանն արդեն երրորդ միամիտ և պլանավորված մամլո ասուլիսներն է կազմակերպում և անդրադառնում է մեր կողմից բարձրաձայնած հարցերին և արդեն հոգնեցուցիչ է լսել նրա նույն հարցին վերաբերող տարբեր մտքերը,որը փաստել էին նաև բազմաթիվ լրագրողներ,ապա առաջարկում եմ նոր թեմաներ,որոնք ևս վերաբերվում են ՇՊՀ-ում Սահակ Մինասյանի կողմից ներդրված նորամուծություններին,որոնց մասին իմացել եմ վերջերս՝ «խաշ փարթիները» և այլ «խրախճանքները»,որոնք տեղի են ունենում ՇՊՀ ռեկտորի կաբինետում և հարակից կաբինետներում շաբաթ և կիրակի օրերին: Ապացույցները բազմաթիվ են: Տեսնե՞ս այս անգամ նախորդ ռեկտորից ինչ է որպես “հանցանքի” ապացույց ներկայացնելու: Ի գիտություն պարոն Մինասյանի, ասեմ,որ մենք էլ ենք պայքարելու նրա կողմից գործած անօրինակնանությունների և հանցագործությունների դեմ մինչև վերջ,որոնք նա բնութագրում է որպես բարեփոխումներ: Միայն տարական լկտին կարող է նախարարի կողմից մեղմ բնութագրված 9-10 հանցագործությունները և ապօրինությունները անվանել բարեփոխումներ: Շատ ամոթ է մեկնաբանել մահացած մեկի հետ կապված դեպքերը՝միտումնավոր տարածելով ապատեղեկատվություն: Հավելեմ,որ ձեր ֆավորիտուհուն այդ մահացածը ի սրտե ատում էր և մասսայաբար նվաստացնում՝անվանելով վերջինիս դեբիլ և անդաստիարակ,ինչպես նաև բոլորի մոտ բացասաբար արտահայտվում ձեր մասին: Հ.Գ.Որոշել էի բացարձակ չանդրադառնալ Սահակ Մինասյանի սույն զազրախոսությանը,բայց բազմաթիվ դասախոսներ և հազարավոր ընկերներ խնդրեցին անպայման թեթև արձագանքել»։