ՀՀ-ն ոչնչացնելու է 140 միավոր զինտեխնիկա. Գերմանիան 1.3 մլն եվրո կհատկացնի

Այսօր ԱԺ պաշտպանության եւ անվտանգության հարցերի մշտական հանձնաժողովի նիստում  հավանության արժանացավ «Հայաստանի Հանրապետության եւ ՆԱՏՕ-ի ապահովման եւ մատակարարման կազմակերպության միջեւ համագործակցության աջակցության մասին» համաձայնագրին: «3 տարվա բանակցություններից հետո Գերմանիան համաձայնել է ծրագրի իրականացման համար ՆԱՏՕ-ի Վստահության հիմնադրամի միջոցով հատկացնել 1.3 մլն եվրո: Մետաղի ջարդոնից ստացված գումարը` մոտ 100 հազար եվրո, կուղղվի մարդասիրական ականազերծման ծրագրին»,- ասաց Արտակ Զաքարյանը:   Նա նշեց, որ 3 տարվա բանակցություններից հետո Գերմանիան համաձայնել է ծրագրի իրականացման համար ՆԱՏՕ-ի Վստահության հիմնադրամի միջոցով հատկացնել 1.3 մլն եվրո: «Մետաղի ջարդոնից ստացված գումարը` մոտ 100 հազար եվրո, կուղղվի մարդասիրական ականազերծման ծրագրին»,- ասաց Ա.Զաքարյանը: Նման ծրագիր Հայաստանում փոխնախարարի փոխանցմամբ՝ իրականացվում է առաջին անգամ: Նրա խոսքով`ոչնչացման համար ընտրված սպառազինությունն այլեւս սպառել է իր մարտական պիտանելիությունը: Նախատեսվում է ոչնչացնել պիտանելիությունից դուրս եկած 140 միավոր ՀՀ ԶՈՒ տեխնիկա, նաեւ 21 միավոր զրահապատ մարտական մեքենաներ, քանի որ ՀՀ-ն գերազանցում է ԵՍԶՈՒ պայմանագրով ԶՄՄ-ների համար նախատեսված շեմը. «Հիմնական նպատակն այն է, որ մենք հետագայում իրավունք ունենանք ձեռք բերելու նոր տեխնիկա դրա փոխարեն»: «ՆԱՏՕ-ի հետ համագործացության որեւէ սահմանափակում չկա, շատ երկար ճանապարհ ենք անցել: Այս համաձայնագրով պայմանավորվածություն է ձեռք բեվել կոնկրետ խդիրների իրականացման համար»,- հավելեց փոխնախարարը: