« ԼՂ հակամարտության բանակցությունները շուտ չեն ավարտվելու». Սերգեյ Լավրով

«ԼՂ հակամարտության կարգավորման վերաբերյալ մեծ լավատեսություն չէի հայտնի:Իմ  երևանյան այցի ընթացքում իր հայ գործընկերներին տեղեկացրել եմ այն խոսակցությունների մասին, որոնք հակամարտության վերաբերյալ ծավալվել են նախօրեին Բաքվում:Ռուսաստանը, որպես ԵԱՀԿ ՄԽ անդամ երկիր, մեր ֆրանսիացի և ամերիկացի գործընկերների հետ շարունակելու է աջակցել այդ հակամարտությունը լուծման համար պայմաններ ստեղծելու ուղղությամբ»,-   լրագրողների հետ հանդիպման ժամանակ ասաց պաշտոնական այցով Երևանում գտնվող ՌԴ ԱԳ նախարար Սերգեյ Լավրովը՝ անդրադառնալով ԼՂ հակամարտության կարգավորման գործընթացին:   « ԼՂ հակամարտությունը բարդ խնդիր է և բանակցությունների փորձը ցույց է տալիս, որ բանակցությունները շուտ չեն ավարտվելու: Ռուսաստանը փորձելու է իր ֆրանսիացի և ամերիկացի գործընկերների հետ վերլուծել, թե որտեղ են գտնվում բանակցությունները, փորձելու ենք ակտիվ ջանքեր ներդնել ԼՂ հակամարտության կարգավորման համար»,-  անդրադառնալով ԼՂ հակամարտության կարգավորման գործընթացին ասաց Լավրովը: «Բաղադրիչներն ամրագրված են շատ փաստաթղթերում սկսած 2007թ., 2009թ., 2011թ., դրանք հաստատվել են ԵԱՀԿ նախագահի կողմից, ամրագրվել են, որպես համանախագահների առաջարկներ, դրանք մնում են սեղանին: Այդ բաղադրիչները ձևավորել են փաթեթ և դժվար է առանձնացնել դրանցից մեկը, երկուսը, երեքը և ասել` եկեք այս ամենի հիման վրա պայմանավորվենք, քանի որ բալանսավորող բաղադրիչները դուրս կմնան, որի արդյունքում չի լինի այն նույն արդյունքը ինչի հույսը մենք ունենք: Օգտակար եմ համարում, որ նախագահները դրական են գնահատում իրենց շփումները Ժնևում: