Վահրամ Բաղդասարյանը պաշտպանեց վարչապետին
ՀՀ ԱԺ ՀՀԿ խմբակցության ղեկավար Վահրամ Բաղդասարյանը, անդրադառնալով նախորդ քառօրյային ընդդիմադիր պատգամավորների քննադատություններին, նշել է, որ Կարեն Կարապետյանի հասցեին հնչող քննադատությունները հիմքեր չունեն: Դիտարկմանը, թե ինչո՞ւ ՀՀԿ-ն բյուջեի քննարկման ժամանակ չպաշտպանեց վարչապետին, Վահրամ Բաղդասարյանն ասաց, որ ինքն առհասարակ չի հիշում բյուջեի որևէ մի քննարկում, որն ուղեկցվել է պաշտպանողական ելույթներով: Հարցին, թե Հանրապետականը պաշտպանում է բյուջեն, թե՞ կառավարությանը, Վահրամ Բաղդասարյանն ասաց. «Բյուջեն ներկայացրել է կառավարությունը, իսկ կառավարությունը միայնակ չէ: Դա թիմային բյուջե է, որը թիմով ենք սարքել: Վարչապետին պաշտպանում ենք: Նա 15-20 տարի զբաղվել է բիզնեսով և այն քննադատությունները, որոնք հնչում են այդ անձի նկատմամբ հիմքեր չունեն»:
Հետևեք մեզ Viber-ում
