Զինված ուժերում կոռուպցիան, զինվորի սնունդն ու հագուստը թալանելը, զինմասերում «նայողների»՝ «յախշիների» ինստիտուտը, դրա հետևանքով կանոնադրական հարաբերությունների չդադարող խախտումները, մահացության դեպքերի ու նրանցով օբյեկտիվ քննություն չկատարելը, լուրջ առողջական խնդիրներով երիտասարդներին զորակոչելը, սոցիալական անարդարության տարատեսակ դրսևորումները, այդ թվում պաշտոնատար անձանց երեխաների մարտական հերթապահության և դիրքերում չծառայելը կամ ընդհանրապես չծառայելը, սպաների սոցիալական, բնականարանային խնդիրների, իրավական պաշտպանվածության, պաշտոնական առաջխաղացման հետ կապված և ամենատարբեր խնդիրներն են հանդիսանում զինված ուժերի որպես պետության պաշտպանությունը խարխլող հիմնական գործոնները, անվտանգության հիմնական սպառնալիքները, որովհետև ամենևին չեն նպաստում պետության և զինված ուժերի նկատմամբ վստահության ձևավորմանը:
Եվ փոխանակ նշված խնդիրների մասին մտածեն, մտահոգվեն և ահազանգեն այս խնդիրների տարիներ շարունակ չլուծվածության մասին, այդ խնդիրները բարձրացնողների՞ն եք համարում պետության անվտանգության սպառնալիքը:
Այստեղ են ասել «խելքի աշեցեք»:
Ավելին, Ձեր՝ կոռուպցիան ու կոռումպացվածներին, մարդկային արժանապատվություն նվաստացնողների պաշտպանների վայնասունները գրոշի արժեք էլ չունեն, և չեն էլ կարող ունենալ, նպատակ ունենալով լռեցնել ահազանգերն ու քննադատությունը:
Պետությունը, հենց Ձեր համար սուրբ զինված ուժերը օրը ցերեկով հանձնում են օտար պետության ենթակայությանը, մի ծպտուն չեք հանում, հիմա փրփրակալած երախներով այդ նույն զինված ուժերը քայքայող կոռուպցիայի դեմ խոսողների՞ն եք ուզում լռեցնել:
Հազարավոր ազատամարտիկների սոցիալական անապահով վիճակի, զինվորների աղքատ ընտանիքների փաստի մասին մի հատ մտածեք, ու այդ վիճակին հասցնող Ձեր սիրած իշխանության հանցավոր քաղաքականության մասին խոսեք, որ 900 հազար մարդու աղքատության շեմին է հասցրել, իսկ 10 տարիների ընթացքում անվերադարձ արտագաղթի են մղել 350 հազար մարդու:
Չի անցնի ու չի լինելու, ինչքան էլ մեջտեղներիցդ հազար ու միլիոն կտոր լինեք:
Հանգստացեք ու Ձեզ հավաքեք, այս պետությունը կրակը չի ընկել Ձեր ստրկամտության ձեռքը:
Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը
Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը
Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը
Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը
Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը
Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը
Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հետևեք մեզ Viber-ում
